Asudzili lohkaatletku, jakaja vystupała na junackaj Alimpijadzie, — padobna, pa spravie Hajuna
Hanna Špak pradstaŭlała Biełaruś na II junackich Alimpijskich hulniach, dzie zaniała 4‑je miesca ŭ skačkach z šastom.
Hańnie Špak 28 hadoŭ. Rodam jana z Hrodzienščyny. U apošnija hady žyła ŭ vioscy Vaŭčkovičy Minskaha rajona.
Dziaŭčyna ź dziacinstva zajmałasia lohkaj atletykaj, skokami z šastom. Šmat hadoŭ Špak była ŭ składzie nacyjanalnaj kamandy pa letnich vidach sportu.
U 2014 hodzie Hanna ŭdzielničała ŭ II letnich junackich Alimpijskich hulniach, dzie skoknuła na 3.80 i zaniała 4‑ie miesca ŭ ahulnym zaliku. Za heta dziaŭčyna atrymała imiannuju stypiendyju ad Nacyjanalnaha alimpijskaha kamiteta.
Paśla hetaha dziaŭčyna nie mieła takich vialikich spartovych dasiahnieńniaŭ, ale ŭdzielničała ŭ spabornictvach u Biełarusi i za jaje miežami, brała pryzavyja miescy.
Hanna skončyła fakultet masavych vidaŭ sportu Biełaruskaha dziaržaŭnaha ŭniviersiteta fizkultury ŭ 2019 hodzie. Pracavała trenieram-vykładčykam u škole alimpijskaha reziervu «Buravieśnik» u Minsku.
Dziaŭčynu asudzili za «sadziejničańnie ekstremisckaj dziejnaści» (č. 1 i č. 2 art. 361‑4 KK). Joj pahražała da 6 hadoŭ kałonii. Padobna, jaje ŭziali pa spravie Hajuna.
U «śpisie ekstremistaŭ», jaki viadzie MUS, jaje status paznačany jak «adbyvaje pakarańnie». Heta značyć, što čałavieku prysudzili abo chimiju z nakiravańniem, abo kałoniju.
«Naša Niva» — bastyjon biełaruščyny
PADTRYMAĆCiapier čytajuć
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»16
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ3636
Kamientary