Litoviec, jakoha abviaścili na radzimie ŭ vyšuk, znajšoŭsia ŭ Biełarusi — byŭ «niezaležnym» naziralnikam na vybarach
Edykas Jahiełavičus, jaki znachodzicca ŭ vyšuku ŭ Litvie pa padazreńni ŭ dziejnaści suprać dziaržavy, znajšoŭsia ŭ Biełarusi. Biełaruskija prapahandysty pakazali jaho jak «niezaležnaha naziralnika» na tak zvanych vybarach, jakija prajšli 26 studzienia.
Jahiełavičus pachvaliŭ biełaruskija vybary za toje, što jany prachodziać u «atmaśfiery śviata».
«Takoha ja nidzie nie bačyŭ. U Litvie ty prosta prychodziš i apuskaješ biuleteń u urnu. Na ŭčastku nie hraje muzyka, nijakija artysty nie tančać i nie śpiavajuć, bufiety nie pracujuć», — skardziŭsia jon.
Jahiełavičus raniej byŭ «naziralnikam» na arhanizavanym Rasijaj «refierendumie» na akupavanych terytoryjach Ukrainy. Jon taksama byŭ členam likvidavanaj u 2023 hodzie arhanizacyi «Mižnarodny forum dobrasusiedstva» i paplečnikam asudžanaha za špijanaž na karyść Rasii Alhirdasa Paleckisa, piša LRT.
Pa słovach pradstaŭnika arhanizacyi «Jeŭrapiejskaja płatforma za demakratyčnyja vybary» (European Platform for Democratic Elections) Łukaša Kandraciuka, biełaruski i rasijski režymy vykarystoŭvajuć roznych marhinalnych palitykaŭ i aktyvistaŭ z-za miažy dla prapahandysckich met, kab stvaryć bačnaść lehitymnaści sfalsifikavanych vybaraŭ.
«Ich malujuć jak važnych asob u metach prapahandy, kab pakazać unutranaj aŭdytoryi: hladzicie, zamiežniki nazirali za vybarami i zajavili, što jany byli sumlennymi», — skazaŭ Kandraciuk partału LRT.
Vyjšaŭ na svabodu vybitny chirurh Andrej Lubiecki11
Vyjšaŭ na svabodu vybitny chirurh Andrej Lubiecki
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary