«Reparciory bieź miežaŭ» padali na Łukašenku ŭ Mižnarodny kryminalny sud
Arhanizacyja «Reparciory bieź miežaŭ» (RSF) padała pazoŭ u Mižnarodny kryminalny sud (MKS) z abvinavačańniem u złačynstvach suprać čałaviečnaści ŭ dačynieńni da žurnalistaŭ u Biełarusi. Heta źviazana z sistematyčnym pieraśledam supracoŭnikaŭ ŚMI, jaki pravodzicca ŭładami krainy sa žniŭnia 2020 hoda, piša «Viasna».
«Čakajecca, što pieradvybarčy fars biez supraćvahi ŭ asobie ŚMI projdzie biez sučka i zadzirynki i ŭ vyniku budzie abvieščana pra pieramohu dyktatara Łukašenki nad čatyrma maryjanietkavymi kandydatami. Biełaruski režym ciaham piaci hadoŭ płanamierna pieraśledavaŭ usie niezaležnyja hałasy, pačynajučy z žurnalistaŭ.
Praz aburalnuju biespakaranaść, jakoj jon karystajecca, RSF padaje skarhu na złačynstvy suprać čałaviečnaści ŭ suviazi ź pieraśledam žurnalistaŭ. My zaklikajem prakurora Karyma Chana pravieści rasśledavańnie i pryciahnuć da adkaznaści vinavatych», — zajaviła kiraŭnica adździeła Uschodniaj Jeŭropy i Centralnaj Azii RSF Žanna Kavielje.
U svajoj zajavie arhanizacyja ŭzhadvaje vypadki tranślacyi dziaržaŭnymi telekanałami intervju z tryma palitźniavolenymi žurnalistami «Radyjo Svaboda»: Iharam Karniejem, Iharam Łosikam i Andrejem Kuźniečykam. Pradstaŭniki arhanizacyi adznačajuć, što
«u vyniku ich zapužvańnia i vykarystańnia mantažu ŭźnikaje ŭražańnie, što jany publična vykazvajuć škadavańnie adnosna svajoj pracy ŭ «Radyjo Svaboda», jakoje pakazvajecca jak ekstremisckaje ŚMI, jakoje raspaŭsiudžvaje fejkavyja naviny i padbuchtorvaje da biesparadkaŭ i źviaržeńniu ŭrada».
RSF zaklikaje inšyja krainy, asabliva ŭdzielnikaŭ Rymskaha statuta, pieraniać prykład Litvy i pieradać spravy suprać Łukašenki i jaho administracyi ŭ MKS.
«Zahannaje koła biespakaranaści pavinna być razarvanaje. RSF zaklikaje prakurora MKS uklučyć złačynstvy suprać žurnalistaŭ u jaho papiaredniaje rasśledavańnie», — zajaviŭ Antuan Biernar, dyrektar pa advakatavańni i supravadžeńni.
Z momantu vybaraŭ 2020 hoda ŭłady pačali kampaniju šyrokamaštabnych represij suprać niezaležnych miedyja. Pavodle źviestak RSF i BAŽ, za hety pieryjad 397 žurnalistaŭ zaznali 589 nieabhruntavanych aryštaŭ, niekatoryja ź ich zatrymlivalisia nieadnarazova. Ciapier 43 žurnalisty pa-raniejšamu znachodziacca ŭ turmie. Ad 500 da 600 žurnalistaŭ byli vymušanyja pakinuć krainu, bolšaść ź ich znajšła prytułak u Polščy i Litvie.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary