HUBAZiK stvaryŭ dakładnuju kopiju telehram-kanała inicyjatyvy «Česnyja ludzi» i sprabuje źbirać źviestki biełarusaŭ
Nazva fejkavaj staronki całkam supadaje z aryhinałam — tłumačym, jak takoje mahčyma.
Pa biełaruskich čatach pačałasia rassyłka byccam by ad imia inicyjatyvy «Česnyja ludzi». Nazva pablika vizualna całkam supadaje z aryhinałam (honestpeople_by) — usio tamu, što ŭ telehramie niama roźnicy pamiž vialikaj łacinskaj I dy małoj l.
U rassyłcy biełarusam prapanujuć ustalavać prahramu «Belarus ID» i «raskazać u joj pra realny stan rečaŭ u Biełarusi» abo napisać u bot. Bot nie vykonvaje anijakaj funkcyi, akramia zboru telefonnych numaroŭ karystalnikaŭ. Tamu nie varta ŭzajemadziejničać ź im.
Rassyłku pa roznych pratesnych čatach robiać pustyja i zachoplenyja akaŭnty.
Fejkavy akaŭnt inicyjatyvy byŭ stvorany 14 studzienia. Kab padrobka vyhladała bolš naturalnaj, tudy zapościli šmat sapraŭdnych dopisaŭ inicyjatyvy (usie ŭ adzin dzień) i navat nakrucili kolkaść padpisantaŭ, padobnu da toj, što jość u «Česnych ludziej» — kala 3500 čałaviek.
«Naša Niva» — bastyjon biełaruščyny
PADTRYMAĆ
Kamientary