«Dźmitryj — 25 rubloŭ». Mužčyna z vulicy znoŭ źbiraje hrošy ŭ minčan
Na minułym tydni da Dźmitryja na vulicy padyšoŭ inšy Dźmitryj — nie prosta tak, a tamu što terminova spatrebilisia hrošy, 25 rubloŭ. Schiema nahadvaje tuju, pra jakuju pisali krychu bolš za hod tamu: supadaje navat numar telefona, piša Onliner.by.
Usio adbyłosia ŭ staličnaj Malinaŭcy. Da Dźmitryja padyšoŭ nieznajomiec i paprasiŭ 25 rubloŭ na bienzin — vielmi treba, a hrošy jon abiacaŭ viarnuć uviečary.
— Čałaviek vielmi nastojliva prasiŭ, a ja davierlivy, schilny bačyć u ludziach tolki dobraje i vieryć. Jon prasiŭ na bienzin, bo treba terminova zapraŭlać mašynu, źjeździć da baćkoŭ i hetak dalej, — apisvaje čytač.
Dźmitryj pieravioŭ hrošy na kartu, nieznajomiec pakinuŭ svoj numar telefona. Ale prajšło niekalki dzion, mužčyna z vulicy ničoha nie viarnuŭ, choć naŭprost ad hetaha nie admaŭlaŭsia — prosta byŭ zaniaty, zachvareŭ.
Tady i ŭźnikli padazreńni: ci to sieryjnamu zborščyku hrošaj patrebna miedycynskaja dapamoha, ci to heta dobra pradumanaja schiema z raźlikam na toje, što nichto nie zachoča praz 25 rubloŭ ustupać u doŭhija razborki.
Darečy, apošniaje pracuje: Dźmitryj taksama nikudy nie źviartaŭsia, bo času na heta niama. Jon ličyć, što lepš, kali źviernucca niekalki paciarpiełych, kali jany jość, tady i ahulnaja suma doŭhu budzie inšaj.
— Hetyja 25 rubloŭ dla mianie ničoha nie značać, prosta chočacca, kab čałaviek bolš nikomu nie naškodziŭ.
Pra čałavieka, jaki pradstaŭlaŭsia Dźmitryjem i prasiŭ hrošy na bienzin, pisałasia ŭ kastryčniku 2023 hoda. Tady lehienda była padobnaj, ale sumy roznyja — 15, 20, 30 rubloŭ. Ludzi, jakija davali hrošy, zvyčajna stamlalisia na stadyi pierapiski i potym spyniali dyjałoh ź Dźmitryjem.
Numar telefona ŭ hetych historyjach supaŭ, jon zakančvajecca na 65—70, stylistyka paviedamleńniaŭ taksama vielmi padobnaja. Zaraz hety numar nie adkazvaje na ŭvachodnyja zvanki.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary
" Hadalniki taro" biełaje braterstva ašukancy kštałtu HardonARestoviča pabiruški roznyja prapaviedniki.Rabinoviči .30hod utulna siabie tam adčuvali .
Ab hetym papieriedžał paśla 2014 i padčas 2020 jany siabie pakazali " biežancy" jakich prytulili dapamahli
I ni treba kidacca " u isteryki" sami viedajecie