«Što za mafijozi tut žyŭ?» U Minsku pradajecca šykoŭnaja kvatera — ludziej uraziŭ ramont
U prodažy źjaviłasia kvatera ź niestandartnym ramontam u centry Minska.
Kvatera znachodzicca ŭ domie 2004 hoda pabudovy pa adrasie Surhanava, 27. Mieścicca jana na apošnim 9-m paviersie. Ahulnaja płošča — 220 kvadrataŭ, tamu navat samyja maleńkija pakoi majuć płošču pa 28 mietraŭ.
Usie pamiaškańni za vyklučeńniem adnaho z sanvuzłoŭ niestandartnaj formy. Prychožaja naohuł kruhłaja.
U kvatery zrobleny dyzajnierski ramont u styli italjanskaj kłasiki (prynamsi tak heta nazyvaje pradaviec). Dźviery i parkiet vykanany z masivu kaštoŭnych parod. Na padłozie lažyć plitka firmy Versace, padvakońniki z marmuru.
U haścioŭni na 41 kvadrat visić vielizarny televizar, nasuprać jakoha, aproč kanapy, staić masažnaje kresła.
Kvatera pradajecca razam z meblaj i technikaj. Mebla, jak paznačana ŭ apisańni, rabiłasia na zamovu ŭ Italii.
U adroźnieńnie ad bolšaści sučasnych kvater, tut kuchnia i haścioŭnia — heta dva asobnyja pamiaškańni. Płošča kuchni — 35 m².
Na stoli ŭ zonie stałovaj — aŭtarski vitraž z padśvietkaj.
U haspadarskaj spalni staić vialiki draŭlany łožak, nasuprać jakoha kamin.
Va ŭsich žyłych pamiaškańniach majucca kandycyjaniery, u kvatery ŭstalavanaja sistema «razumny dom».
Aproč spalni i haścioŭni, u kvatery jość dziciačy pakoj z kruhłym łožkam i kabiniet, abstalavany draŭlanaj meblaj.
U kvatery dva sanvuzły na 3 i 12 kvadrataŭ. U vialikim sanvuźle, aproč dušavoj kabiny, mieścicca prastornaje džakuzi.
Siarod inšych pieravah abiacajuć reśpiektabielnych susiedziaŭ.
Prosiać za hetuju kvateru 359 tysiač dalaraŭ, što kala 1630 dalaraŭ za kvadrat. Heta troški bolš, čym siaredni košt mietra ŭ stalicy (1564 dalary).
Videa ŭ tyktoku z hetaj kvateraj zavirusiłasia i nabrała bolš za 350 tysiač prahladaŭ.
Prodajetsia ekskluzivnaja 4-komn. kvartira v Minskie. 220 m2. Poślednij etaž. Dom kłubnoho tipa. Ciena po zaprosu v ŁS.
Niezvyčajny ramont ludzi adznačyli.
«Što za mafijozi tut žyŭ?» — pytajucca.
«Niedzie ŭ ścianie kniažackaja siamja zamuravanaja», — žartujuć.
«A italjancy ŭ kursie, što heta ich kłasika?» — pierapytvajuć u kamientarach.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary