«Што за мафіёзі тут жыў?» У Мінску прадаецца шыкоўная кватэра — людзей уразіў рамонт
У продажы з'явілася кватэра з нестандартным рамонтам у цэнтры Мінска.
Кватэра знаходзіцца ў доме 2004 года пабудовы па адрасе Сурганава, 27. Месціцца яна на апошнім 9-м паверсе. Агульная плошча — 220 квадратаў, таму нават самыя маленькія пакоі маюць плошчу па 28 метраў.
Усе памяшканні за выключэннем аднаго з санвузлоў нестандартнай формы. Прыхожая наогул круглая.
У кватэры зроблены дызайнерскі рамонт у стылі італьянскай класікі (прынамсі так гэта называе прадавец). Дзверы і паркет выкананы з масіву каштоўных парод. На падлозе ляжыць плітка фірмы Versace, падваконнікі з мармуру.
У гасцёўні на 41 квадрат вісіць велізарны тэлевізар, насупраць якога, апроч канапы, стаіць масажнае крэсла.
Кватэра прадаецца разам з мэбляй і тэхнікай. Мэбля, як пазначана ў апісанні, рабілася на замову ў Італіі.
У адрозненне ад большасці сучасных кватэр, тут кухня і гасцёўня — гэта два асобныя памяшканні. Плошча кухні — 35 м².
На столі ў зоне сталовай — аўтарскі вітраж з падсветкай.
У гаспадарскай спальні стаіць вялікі драўляны ложак, насупраць якога камін.
Ва ўсіх жылых памяшканнях маюцца кандыцыянеры, у кватэры ўсталяваная сістэма «разумны дом».
Апроч спальні і гасцёўні, у кватэры ёсць дзіцячы пакой з круглым ложкам і кабінет, абсталяваны драўлянай мэбляй.
У кватэры два санвузлы на 3 і 12 квадратаў. У вялікім санвузле, апроч душавой кабіны, месціцца прасторнае джакузі.
Сярод іншых пераваг абяцаюць рэспектабельных суседзяў.
Просяць за гэтую кватэру 359 тысяч даляраў, што каля 1630 даляраў за квадрат. Гэта трошкі больш, чым сярэдні кошт метра ў сталіцы (1564 даляры).
Відэа ў тыктоку з гэтай кватэрай завірусілася і набрала больш за 350 тысяч праглядаў.
Продается эксклюзивная 4-комн. квартира в Минске. 220 м2. Последний этаж. Дом клубного типа. Цена по запросу в ЛС.
Незвычайны рамонт людзі адзначылі.
«Што за мафіёзі тут жыў?» — пытаюцца.
«Недзе ў сцяне княжацкая сям'я замураваная», — жартуюць.
«А італьянцы ў курсе, што гэта іх класіка?» — перапытваюць у каментарах.
Цяпер чытаюць
Хто той замежнік, які забіў жонку і згвалтаваў падчарыцу ў Добрушы5
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары