«У свой час я зрабіў памылку». Футбаліст Стасевіч запісаў пакаяннае відэа
На ютуб-канале Беларускай федэрацыі футбола з’явілася відэа, герой якога — вядомы футбаліст Ігар Стасевіч, які быў тройчы названы найлепшым гульцом Беларусі. Сярод іншага ён каецца ў зробленай «у свой час» памылцы і гаворыць пра тое, што можа прыносіць карысць беларускай дзяржаве і футболу.
«На жаль, у свой час я зрабіў памылку. А мне б хацелася прыносіць карысць сваёй краіне, беларускаму футболу, дапамагаць развівацца мясцовым хлопцам, якія маладыя, якія толькі пачынаюць свой шлях. Бо вопыт у мяне багаты і, у прынцыпе, я магу шмат ім падказаць», — сказаў 40‑гадовы былы футбаліст БАТЭ.
Пасля падзей 2020 года прозвішча Стасевіча трапіла ў чорны спіс. Хоць ён запісаў так званае пакаяннае відэа, у 2022 годзе ягонае магчымае вяртанне ў мінскае «Дынама» было асабіста забаронена тагачасным міністрам спорту Сяргеем Кавальчуком.
У выніку цяпер 40‑гадовы Стасевіч вымушаны быў працягваць кар’еру за мяжой — апошнім часам ён гуляў у казахстанскім «Атыраў».
Стасевіч за сваю кар’еру паспеў выступіць за БАТЭ, мінскае «Дынама», «Атыраў», «Гомель», «Шахцёр» і іншыя каманды.
У ягонай біяграфіі — 10 тытулаў чэмпіёна Беларусі, 5 перамог у Кубку краіны, званні найлепшага футбаліста чэмпіянату (2014, 2015, 2016, 2018, 2019) і найлепшага футбаліста Беларусі (2015, 2018, 2019). Ён таксама прымаў удзел у групавых этапах Лігі чэмпіёнаў і Лігі Еўропы, а ў сезоне 2018/2019 стаў найлепшым асістэнтам у Лізе Еўропы.
У ліпені мінулага года Стасевіч, правёўшы 732 матчы на прафесійным узроўні, стаў абсалютным рэкардсменам Беларусі. Ён абышоў Аляксандра Глеба, які раней утрымліваў першынство ў Клубе Сяргея Алейнікава — асацыяцыі беларускіх футбалістаў, што згулялі больш за 500 афіцыйных матчаў на найвышэйшым узроўні.
Стасевіч стаў рэкардсменам Беларусі па колькасці матчаў. Яму падарылі лукашэнкаўскі мерч, хаця дома футбаліст у чорным спісе
У Мінску перад пачаткам футбольнага матча капітаны камандаў пабіліся велікоднымі яйкамі ВІДЭА
У Смаргоні ў першым матчы футбольнага сезону мяч на поле даставілі на трактары ВІДЭА
Цяпер чытаюць
Хто той замежнік, які забіў жонку і згвалтаваў падчарыцу ў Добрушы16
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках88
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках8
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары
Игорь, мы все поняли, надо идти дальше.