Пасля паведамлення пра тое, што Браслаўскі райвыканкам адмяніў сваё рашэнне наконт арганізацыі і правядзення фестываля, браслаўскія чыноўнікі паспяшаліся даць абвяржэнне. Маўляў, свята пройдзе, які і планавалася, з 22 па 24 траўня, піша «Віцебская вясна».
Загадчыца сектара культуры райвыканкама Людміла Новікава паведаміла, што ранейшае рашэнне адменена «ў сувязі са зменай нарматыўных прававых актаў і ўмоў правядзення фестывалю». Што канкрэтна зменіцца, яна не патлумачыла, але ёсць верагоднасць, што змены закрануць міжнародны статус фестывалю.
«Браслаўскія зарніцы» — найстарэйшае ў Беларусі свята тражыцыйнай культуры. Упершыню ён адбыўся ў 1967 годзе, у 2009‑м займеў статус міжнароднага. На фестываль з'язджаліся танцоры, музыкі, выканаўцы песень з розных рэгіёнаў Беларусі, Расіі, Украіны, Літвы, Латвіі, Польшчы, Эстоніі. Але ў апошнія гады замежных выканаўцаў па зразумелых прычынах заўважна паменела.
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3532
Каментары