«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?
Hienieralny prakuror Andrej Švied na sustrečy z vykładčykami i studentami BDUIR zrabiŭ nieadnaznačnuju zajavu.
«Andrej Švied padkreśliŭ, što na siońnia ŭsie, chto maje dačynieńnie da ekstremisckaj i terarystyčnaj dziejnaści, albo ŭžo asudžanyja, albo źjaŭlajucca fihurantami kryminalnych spraŭ, jakija buduć razhledžanyja sudami», — cytujecca jaho vystup u telehram-kanale Hienieralnaj prakuratury.
Kali čytać jaho słovy litaralna, to atrymlivajecca, što pa stanie na 15 studzienia 2025 hoda ŭłady ŭžo zaviali palityčnyja kryminalnyja spravy na ŭsich, kaho paličyli patrebnym pieraśledavać.
Biełarusy, jakija znachodziacca za miažoj, mohuć i nie viedać, što na ich užo zaviali kryminalnuju spravu, tamu dla ich viartacca ŭ krainu ŭ lubym razie niebiaśpiečna.
Adnak kali sprava była zaviedzienaja na ludziej, jakija znachodziacca ŭnutry Biełarusi, to jany dakładna viedajuć pra pieraśled — bo da ich užo «prychodzili».
Ci značyć heta, što Švied pierad novymi vybarami padvodzić rysu pad represijami ŭ adras «ekstremistaŭ» unutry Biełarusi? Nieviadoma. Pa represiŭnaj praktycy bližejšych dzion i tydniaŭ stanie zrazumieła, ci heta palityčnaja zajava, ci prosta šarahovaje błytanaje vykazvańnie.
Razam z tym hienieralny prakuror znoŭ staŭ rekłamavać svaju «kamisiju pa viartańni»: «Da nas pastupiła ŭžo kala 200 zajaŭ. Častka ź ich razhledžana, častka ŭ rabocie».
Kamientary
Osobienno na fonie ariesta bieriemiennoj žienŝiny.
Vot ,diejstvitielno,ty svoim čupačupsom dumaješ choť inohda?