«Vajna na parozie». Bondarava pabačyła ŭ biełaruskamoŭnych škołach na vioscy pieraškodu dla militaryzacyi
Apałčyŭšysia spačatku suprać pracoŭnaj mihracyi ŭ Biełaruś vychadcaŭ z uschodnich krain, danosčyca dzivosnym čynam skarystała hetuju nahodu, kab praź jaje zaskočyć na svajho ŭlubionaha biełarusafobskaha konika.
Danosčyca Volha Bondarava napisała vialiki post, skiravany suprać pracoŭnaj mihracyi ŭ Biełaruś vychadcaŭ z uschodnich krain, začapiŭšysia za słovy Łukašenki ŭ łahojskaj pravasłaŭnaj carkvie na Kalady, kali jon taksama kazaŭ pra «surjozny vyklik u śfiery mihracyi».
Ale sama Bondarava pajšła dalej, dzivosnym čynam skarystaŭšy hetuju nahodu dla arhumientavańnia, čamu ŭ Biełarusi ŭvohule nie pavinna zastacca škoł ź biełaruskaj movaj navučańnia.
«Źviarnu ŭvahu na jašče adnu prablemu — jana tyčycca vypusknikoŭ viaskovych škoł. Dzieci pazbaŭlenyja mahčymaści atrymlivać adukacyju na ruskaj movie i, adpaviedna, pastupać u VNU techničnaha kirunku.
Hetuju dyviersiju nacyjanalistaŭ, ažyćcioŭlenuju da 2020 hoda, treba vypraŭlać. Technaroŭ zanadta mała ŭ krainie, jany nieabchodnyja ekanomicy, i nie čas ciapier paturać nacykam», — zaklikaje danosčyca.
Čamu nie čas mienavita ciapier? Tamu što Bondarava, u adroźnieńnie ad Łukašenki, pra mirnuju budučyniu nie maryć navat na słovach:
«Dziaržavie ŭ terminovym paradku treba naroščvać vytvorčaść tavaraŭ padvojnaha pryznačeńnia. I ich ramont. Usie razumiejuć, pra što ja. Vajna na parozie».
Bondarava tryumfuje: u Pałacie pradstaŭnikoŭ Marzaluku ŭsio ž nahadali pra deputackuju etyku praz «šval z Hrodna»
Paplečniki Bondaravaj zapatrabavali vybarčyja biuleteni pa-rusku — i atrymali adłup
Bondaravu aburyli słova Rastvo i zorki NATA na navahodniaj jełcy ŭ Minsku
Bondarava patrabuje, kab prypynki ŭ transparcie abjaŭlali jašče i na ruskaj movie. «Minsktrans» adkazaŭ, što heta niemahčyma
Ciapier čytajuć
Fatohraf-ahient Miščuk raskazaŭ svaju viersiju taho, što adbyłosia4
Kamientary