Hramadstva1111

Pratasievič jeździŭ da Babaryki ŭ kałoniju niekalki razoŭ

Ranicaj 8 studzienia Raman Pratasievič apublikavaŭ fota i videa z sustrečy z palitviaźniem Viktaram Babarykam, jaki adbyvaje termin u kałonii ŭ Navapołacku. Palitviaźnia trymali ŭ poŭnaj izalacyi na praciahu bolš za paŭtara hoda, hetyja fota stali jaho pieršym publičnym źjaŭleńniem za doŭhi čas. Adnak «Lusterka» zaŭvažyła sioje-toje niezvyčajnaje.

Viktar Babaryka i Raman Pratasievič, mierkavana, u studzieni 2025 hoda ŭ Navapołacku 

Usiaho Pratasievič vykłaŭ try fatahrafii i adno videa. Jon paviedamiŭ, što Viktar Dźmitryjevič «vyhladaje badziorym» i «nie straciŭ svajho krasamoŭstva». Pa słovach Pratasieviča, Babaryka atrymaŭ viestački ad rodnych i zmoh napisać im listy.

Pa apublikavanych kadrach składana skazać, jak mienavita była ŭładkavanaja sustreča, ci byŭ na joj chtości jašče i pra što išła havorka.

Ale na videa mužčyny nie źjaŭlajucca razam: spačatku Pratasievič havoryć ustupnaje słova, a paśla karcinka źmianiajecca, i Babaryka pieradaje ciopłyja słovy svaim rodnym — dačce i maleńkaj unučcy, žadaje im družna sustreć «usie śviaty, jakija buduć».

Praŭda, sam Pratasievič u apublikavanych materyjałach vyhladaje krychu pa-roznamu. Na fota jon hładka paholeny, a na videa ŭ jaho na ščokach źjaviłasia prykmietnaje ščacińnie. Akramia taho, na fota ŭ jaho na skroniach adraśli vałasy, a na videa pryčoska krychu inšaja, a skroni vyhalenyja.

Na abodvuch fota — Raman Pratasievič. Źleva — hładka paholeny, na skroniach jość vałasy. Sprava — źjaviłasia ščacińnie, stryžka trochi źmianiłasia

Vierahodna, hetyja adroźnieńni mohuć śviedčyć pra toje, što «ŭstup» ad Pratasieviča i astatnija kadry byli źniatyja ŭ roznyja dni, a pajezdak u Navapołack było jak minimum dźvie (albo što Pratasievič adhadavaŭ ščacińnie i pastryhsia ŭ pracesie).

U vychodnych danych videa ŭ jakaści daty stvareńnia paznačanaja ranica 8 studzienia (adnak heta nie abaviazkova aznačaje momant zdymki). A voś u vychodnych danych fota nijakaj infarmacyi niama.

Sam Pratasievič nie havoryć i nie piša, kali mienavita i kolki razoŭ bačyŭsia ź Viktaram Babarykam u kałonii. Taksama jon abychodzić uvahaj i mnostva inšych važnych pytańniaŭ. Naprykład, čamu mienavita jon trapiŭ na heta «spatkańnie», čamu paŭtara hoda da hetaha advakaty nie mahli źviazacca sa svaim padabaronnym, a rodnyja — z tatam i dziadulem. 

Viktar Babaryka, jaki ŭ mai 2020 hoda zajaviŭ pra namier bałatavacca, znachodzicca za kratami z 18 červienia 2020 hoda, kali byŭ aryštavany razam z synam Eduardam.

Praz hod, u lipieni 2021 hoda, jon byŭ asudžany na 14 hadoŭ.

Kamanda źvierchu zrabić režym utrymańnia maksimalna strohim pryjšła adnosna Babaryki prykładna ŭ lutym 2023 hoda. Da jaho pierastali puskać advakata.

25 krasavika 2023 hoda Viktara Babaryku z kałonii pavieźli ŭ špital. Pavodle infarmacyi, pieradadzienaj žurnalistam pracaŭnikami bolnicy, 27 krasavika palityk byŭ u chirurhičnym adździaleńni ŭ stanie siaredniaj ciažkaści. Paźniej pravaabaroncam stała viadoma, što Babaryku pieraviali ŭ turemny špital pry SIZA № 1 u Minsku. Paźniej Viktara Babaryku viarnuli ŭ kałoniju.

Pavodle śviedčańnia byłoha palitviaźnia, viasnu i leta 2023 hoda Babaryka pravioŭ u kałonii ŭ PKT, u poŭnaj izalacyi ad inšych viaźniaŭ. Śled Viktara Babaryki zhubiŭsia ŭ listapadzie 2023-ha, kali jaho bačyli ŭ kalidory PKT.

Kamientary11

  • creck_55
    08.01.2025
    KAK STIOPA?!?!?!?! ,,:-D :-D :-D,,
  • daviedka
    08.01.2025
    Protasievič v piervyj raz jezdił k niemu kak złoj śledovatiel, vo vtoroj kak dobryj.
  • Čuk
    08.01.2025
    creck_55, Kak Hriša i Ihoriok?

Ciapier čytajuć

Za palityku asudzili šmatdzietnaha baćku-viernika. Jaho žonka pamierła dva hady tamu4

Za palityku asudzili šmatdzietnaha baćku-viernika. Jaho žonka pamierła dva hady tamu

Usie naviny →
Usie naviny

Izrailcianam prychodziać špijonskija paviedamleńni ad karespandentki ANT10

Usploski zakazaŭ picy kala Pientahona mahli śviedčyć pra budučuju ataku na Iran9

Dyrektarka dziciačaha centra, dzie razmaŭlajuć vyklučna na ruskaj, abvinavačvaje čynoŭnikaŭ i dziaržaŭnych žurnalistaŭ u chłuśni27

Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1

U vyniku ŭdaraŭ Izraila pa Iranie likvidavanyja dzieviać viadučych fizikaŭ-jadzierščykaŭ4

Rabavańni, zhvałtavańni i navat kradziež adzieńnia z truny: Minsk kryminalny pry Stalinie2

Zialenski: Łukašenka baicca i pieraniasie vučeńni dalej ad miažy z Ukrainaj16

Inicyjatyva Maldzis viartaje staradruk Simiaona Połackaha11

Maradona padčas svajho vizitu ŭ Biełaruś nie zachacieŭ sustrakacca z Rumasam1

bolš čytanych navin
bolš łajkanych navin

Za palityku asudzili šmatdzietnaha baćku-viernika. Jaho žonka pamierła dva hady tamu4

Za palityku asudzili šmatdzietnaha baćku-viernika. Jaho žonka pamierła dva hady tamu

Hałoŭnaje
Usie naviny →

Zaŭvaha:

 

 

 

 

Zakryć Paviedamić