Vučonyja znajšli ŭ mozhu «punkt stareńnia», jaki moža być klučom da daŭhalećcia
Kletki, raźmieščanyja ŭ adnoj z abłaściej hipatałamusa, adyhryvajuć važnuju rolu ŭ kantroli pracesu stareńnia. Palepšyć ich funkcyju možna źmienaj racyjonu charčavańnia i ładu žyćcia.
Mozh adyhryvaje istotnuju rolu ŭ pracesie stareńnia, i navukoŭcy ź Instytuta Alena ŭ ZŠA miarkujuć, što im udałosia vyznačyć kankretnyja kletki, jakija jaho kantralujuć. Dla hetaha jany stvaryli maštabnuju kartu kletak mozhu maładych (2 miesiaca) i starych (18 miesiacaŭ) myšej. Jana adkryvaje novyja mahčymaści dla razumieńnia stareńnia i jaho suviazi z chvarobami. Svaimi vynikami jany padzialilisia na staronkach časopisa Nature.
Myšy byli abranyja tamu, što majuć šmat supolnych rys z čałaviekam u struktury i funkcyjach mozhu, a taksama ŭ miechanizmach stareńnia. Ich adnosna karotki žyćciovy cykł dazvalaje lohka nazirać za źmienami, źviazanymi sa stareńniem, na praciahu ŭsiaho ich žyćcia. Daśledčyki adznačajuć, što 18-miesiačnyja myšy prykładna adpaviadajuć «čałavieku poźniaha siaredniaha ŭzrostu».
Vučonyja zhrupavali 1,2 miljona kletak mozhu myšej u 847 roznych typaŭ, a taksama zdoleli identyfikavać kala 2500 hienaŭ, jakija mianiajucca sa stareńniem.
Daśledavańnie pakazała, što ŭ starejučym mozhu aktyŭnaść hienaŭ, źviazanych z zapaleńniem, uzrastaje, u toj čas jak aktyŭnaść hienaŭ, nieabchodnych dla funkcyjanavańnia niejronaŭ ci zdolnaści pieradavać i apracoŭvać infarmacyju, źnižajecca.
Vučonyja vyjavili kancentracyju hetych źmien u hipatałamusie. Pryčym najbolš istotnyja źmieny ekspresii hienaŭ byli znojdzieny ŭ typach kletak, što znachodziacca pobač z trecim žałudačkam hipatałamusa i adyhryvajuć važnuju rolu ŭ spažyvańni ježy, enierhietyčnym hamieastazie, abmienie rečyvaŭ i ŭ tym, jak naš arhanizm vykarystoŭvaje pažyŭnyja rečyvy. Heta miesca atrymała nazvu «centralnaha punkta stareńnia».
Pa słovach aŭtaraŭ, atrymanyja imi źviestki paćviardžajuć raniej vyjaŭlenuju suviaź pamiž stareńniem i źmienami ŭ abmienie rečyvaŭ i źjaŭlajucca zychodnym punktam dla bolš hłybokaha vyvučeńnia taho, jak dyjeta, ład žyćcia ci farmaceŭtyčnyja preparaty mohuć palehčyć abo zapavolić paharšeńnie zdaroŭja mozhu, źviazanaje z uzrostam.
Adsočvajučy najbolš uraźlivyja typy kletak, daśledčyki spadziajucca raspracavać stratehii — dyjetyčnyja abo farmaceŭtyčnyja, — jakija dapamohuć padtrymlivać zdarovuju rabotu mozhu da hłybokaj staraści.
Čałaviek zdolny źmianić mnohaje, a što z ułasnym stareńniem?
Vučonyja adkryli amaładžalny efiekt raspaŭsiudžanaha preparatu ad dyjabietu
Vučonyja vyznačyli ŭ žyćci čałavieka dva piki stareńnia
Ci adpaviadaje vaša fizičnaja forma vašym hadam? A nu praviercie z dapamohaj hetych testaŭ
Źmiena zvyčak zapavolvaje stareńnie
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka5
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary