Mižnarodnaja fiederacyja šachmat źmiakčyła patrabavańni da adzieńnia na čempijanacie śvietu pa blicy
Raniej z-za prablem z dres-kodam ad udziełu ŭ čempijanatach śvietu pa chutkich šachmatach i blicy admoviŭsia były čempijon śvietu pa šachmatach Mahnus Karłsen, piša Radyjo Svaboda.
Mižnarodnaja šachmatnaja fiederacyja (FIDE) abviaściła pra źmiakčeńnie patrabavańniaŭ da adzieńnia ŭdzielnikaŭ na čempijanacie śvietu pa blicy, jaki prachodzić u Ńju-Jorku. Pra heta paviedamiŭ prezident FIDE Arkadź Dvarkovič.
Raniej z-za prablem z dres-kodam ad udziełu ŭ čempijanatach śvietu pa chutkich šachmatach i blicy admoviŭsia były čempijon śvietu pa šachmatach Mahnus Karłsen.
«Ja pryniaŭ rašeńnie aprabavać padychod, jaki zabiaśpiečvaje bolš hnutkaści aficyjnym asobam FIDE pry pryniaćci rašeńniaŭ adnosna darečnaści adzieńnia», — adznačyŭ Dvarkovič.
Jon padkreśliŭ, što ŭdzielniki ŭsio ž abaviazany zachoŭvać zaćvierdžany dres-kod, ale ciapier dapuskajucca nievialikija «elehantnyja adstupleńni», naprykład, džynsy, jakija harmanujuć ź pinžakom.
Dvarkovič vykazaŭ nadzieju, što ŭdzielniki nie buduć złoŭžyvać pasłableńniem pravił i nie stanuć padryvać śviatočny nastroj turniru napiaredadni Novaha hoda.
28 śniežnia FIDE dyskvalifikavała narviežskaha hrosmajstra Mahnusa Karłsena za parušeńnie dres-koda na turniry pa rapidzie. Sudździa aštrafavaŭ šachmatysta na 200 dalaraŭ za źjaŭleńnie ŭ džynsach i zapatrabavaŭ pieraapranucca.
Karłsien admoviŭsia padparadkoŭvacca i źniaŭsia z čempijanatu, paśla čaho zajaviŭ, što «stamiŭsia» ad FIDE i nie maje namieru praciahvać uzajemadziejańnie z arhanizacyjaj.
Paśla abviaščeńnia ab źmiakčeńni pravił dres-koda Karłsen paviedamiŭ, što voźmie ŭdzieł u turniry pa blicy, ale znoŭ budzie ŭ džynsach.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary