«Rastłumačcie mnie, dzie zajčyki i śniažynki?» Tata z Bresta aburyŭsia adzieńniem čužych dziaciej na ranišniku
Baćka pavioŭ svaju maleńkuju dačku na ranišnik u Brescki teatr lalek. Zdajecca, pretenzij da zabaŭlalnaj prahramy mužčyna nie maje. A voś adzieńnie inšych dziaciej jaho aburyła.
Mužčyna vykłaŭ u tyktok videa z tancami la navahodniaj jalinki. Zdavałasia, što mahło pajści nie tak? Ale nahoda dla niezadavolenaści znajšłasia:
— Vy dzicia ŭ hulniavy pakoj pryviali ci na jołku? Kali dzicia adno ŭ navahodniaj sukiency! (mužčyna maje na ŭvazie toje, što jaho dačka na fonie astatnich dziaciej adzietaja bolš śviatočna. — «NN»). Rastłumačcie mnie, kali łaska, dzie zajčyki, lisički, śniažynki? Što adbyvajecca? — napisaŭ aŭtar rolika na videa.
Bačna, što bolšaść dziaciej pryšli na ranišnik u zvyčajnym adzieńni — štanach dy švedary. Dačka ž mužčyny adzietaja ŭ pyšnuju sukienku.
Za try dni videa nabrała bolš za 200 tysiač prahladaŭ i 11 tysiač łajkaŭ. A ŭ kamientaryjach pačałasia dyskusija. Adny padtrymali aŭtara rolika: «Kali ŭsio ŭ prybranych kaściumach, sukienkach — heta asablivy nastroj, atmaśfiera. Bo cikava nie tolki samomu prybracca, ale i na inšych pahladzieć. Prosta baćkam lanota stała vydumlać niešta».
Druhija nie bačać sensu ŭ «pafasie na adnu hadzinu»: «Inšyja baćki prosta spytali ŭ dziaciej, u čym jany chočuć pajści. Mnie ŭ dziacinstvie kudy bolš chaciełasia pajści ŭ zručnaj vopratcy, a nie ŭ pyšnaj sukiency, aby jak pryncesa».
Trecija pačali vinavacić škołu ŭ tym, što źnikła adnolkavaja školnaja forma: «Baćki pakaleńnia biez formy ŭ škole. I jany paniaćcia nie majuć, što, kudy i jak apranać na siabie, nie toje, što na dziaciej».
Niechta padyšoŭ i z punktu hledžańnia finansaŭ: «U niekatorych staić vybar apłacić jołku ci kaścium. Nie zarakajciesia».
Adna z kamientatarak pažartavała: «Sami ž niadaŭna asudžali kvadrobieraŭ, voś i niama ciapier lisičak i zajčykaŭ».
U Połacku admianili fiestyval anime i K-pop, bo jon «prapahanduje niapravilnyja kaštoŭnaści»
U Homieli šmatdzietnaja mama stała naradžać prosta padčas navahodniaha ranišnika ŭ škole
Rasijskaja škoła pakajałasia za ranišnik, jaki prajšoŭ pa matyvach savieckaha mulcika «Nu, pačakaj»
Jak vyhladaje taniec na dziciačym ranišniku na 6 miljonaŭ prahladaŭ
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie19
Kamientary