HC «Biełaruś» u Viciebsku, dzie byŭ mocny pažar, padumvajuć źnieści
Zaviedziena kryminalnaja sprava.
Šmatlikija parušeńni, dapuščanyja ŭłaśnikam handlovaha centra ŭ Viciebsku, mahli stać pryčynaj vialikaha pažaru ŭ handlovym abjekcie, jaki adbyŭsia 13 śniežnia. Pra heta žurnalistam pa vynikach abmierkavańnia na štabie ŭ abłvykankamie raspavioŭ kiraŭnik Administracyi Dźmitryj Kruty, piša BiełTA.
Kruty adznačyŭ, što pa hetym incydencie zaviedziena kryminalnaja sprava. «Pakul Śledčym kamitetam raspačata kryminalnaja sprava pa artykule, źviazanym z parušeńniem praviłaŭ pažarnaj biaśpieki. Ale praca ekśpiertaŭ-kryminalistaŭ tolki pačałasia. Pa miery hatoŭnaści ekśpiertyz mahčymaja pierakvalifikacyja hetaj kryminalnaj spravy ŭ bolš surjoznyja artykuły Kryminalnaha kodeksa,
bo pačynajuć vykryvacca peŭnyja padrabiaznaści, źviazanyja, naprykład, z toj ža sistemaj elektrazabieśpiačeńnia hetaha abjekta, z šmatlikimi nieuzakoniennymi pierapłaniroŭkami kram, dzie pracavali arandatary, z parušeńniami finansava-ekanamičnaj dziejnaści subjekta i šerah inšych napramkaŭ.
Usie viedamstvy ciapier raźmierkavali pracu pa svaich błokach, zamacavany ekśpierty i respublikanskaha ŭzroŭniu, i ŭzroŭniu Viciebskaj vobłaści. Ludziej chapaje, ludziej dastatkova, tamu ja dumaju, što rasśledavańnie budzie praviedzienaje chutka. Uličvajučy, što va ŭłaśnika ŭ Viciebsku znachodzicca jašče šerah abjektaŭ, jany buduć taksama padvierhnutyja dbajnaj praviercy i revizii», — raspavioŭ Dźmitryj Kruty.
Jon taksama padkreśliŭ, što i raniej pa handlovym centry ŭźnikali pytańni.
«Niedapuščalnym, na moj pohlad, faktam źjaŭlajecca toje, što na praciahu mnohich hadoŭ, asabliva z 2020 hoda, kali ŭ pakazanym centry ŭžo adbyŭsia padobny incydent z pažaram chaładzilnaha abstalavańnia, ale, naturalna, nie z takimi nastupstvami, nie prymalisia dastatkovyja miery pa likvidacyi parušeńniaŭ, źviazanych ź sistemaj pažaratušeńnia, svoječasovaj pracaj usich datčykaŭ.
Heta śviedčyć, što va ŭłaśnika nie było vialikaha žadańnia, niahledziačy na prybytak, prymać usie dziejsnyja miery pa likvidacyi pradpisańniaŭ kantralujučych orhanaŭ.
Z adnaho boku, našy słužby pa linii pažarnaj biaśpieki, pa linii dziaržaŭnaha elektryčnaha nahladu i sanepidiem pracavali niadrenna, svoječasova vyjaŭlali ŭsie hetyja parušeńni, ale bačycie, z takich maleńkich niedapracovak u vyniku składvajecca vialikaja prablema, vyklikanaja hetym pažaram», — skazaŭ Kruty.
Pavodle jaho słoŭ, budynak handlovaha centra «Biełaruś», chutčej za ŭsio, źniasuć.
13 śniežnia ŭ HC «Biełaruś» adbyŭsia pažar, na jakim paciarpieli 20 čałaviek. Uzbudžana kryminalnaja sprava.
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie9
Kamientary