Maładyja ludzi, kab urazić dziaŭčynu, uhnali aŭtamabil. Sudovyja ekśpierty acanili škodu ŭ 90 tysiač rubloŭ
Padčas adpačynku ŭ kurortnym pasiołku Narač u Miadzielskim rajonie maładyja ludzi vyrašyli pasłuchać muzyku ŭ aŭtamabili BMV, jaki naležyć adnamu ź ich.
Uładalnik nie piarečyŭ, adnak ździajśniać pajezdki na svaim aŭto nikomu z prysutnych u toj viečar jon nie dazvalaŭ, paviedamlaje Kraj.by.
Nie vyjaviŭšy na ranicu svoj aŭtamabil, haspadar mašyny źviarnuŭsia ŭ milicyju z zajavaj ab zhonie. Była pryznačanaja sudovaja ekśpiertyza.
Sudovymi ekśpiertami ŭstanoŭlena, što pamier škody, naniesienaj aŭtamabilu ŭ vyniku DTZ, skłaŭ bolš za 90 000 rubloŭ.
Adbyłosia voś što. Užyŭšy značnuju kolkaść ałkaholu, maładyja ludzi vyrašyli prakacicca na aŭtamabili, imknučysia zrabić uražańnie na dziaŭčynu, jakaja adpačyvała ŭ toj ža kampanii.
Padčas pajezdki pa rajonie kiroŭca niapravilna abraŭ chutkaść, nie spraviŭsia z kiravańniem, što pryviało da zanosu, sutyknieńnia sa słupom i vyjezdu ŭ kiuviet. U vyniku mašyna atrymała značnyja miechaničnyja paškodžańni.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary