Padčas pažaru ŭ viciebskim HC paciarpieli 15 čałaviek, ź ich 2 rabotniki MNS
Pavodle słoŭ načalnika Viciebskaha abłasnoha ŭpraŭleńnia MNS Siarhieja Mialeškina, płošča pažaru skłała 2000 kvadratnych mietraŭ.
Usiaho dla praviadzieńnia vyratavalnych rabot i likvidacyi pažaru było zadziejničana 21 adzinka techniki i 90 rabotnikaŭ MNS. Płošča pažaru skłała 2 tys. kvadratnych mietraŭ.
Pavodle słoŭ Siarhieja Mialeškina, rabotniki MNS pry dapamozie vyšynnaj techniki vyratavali 6 čałaviek i 4 vyvieli z pamiaškańniaŭ pry dapamozie masak. Evakujavali 215 čałaviek.
Padčas likvidacyi nadzvyčajnaj situacyi paciarpieli dva rabotniki MNS. Ich žyćciu i zdaroŭju, pa słovach Mialeškina, ništo nie pahražaje.
Usiaho ž paśla pažaru da miedykaŭ, pavodle ŭdakładnienych źviestak, źviarnulisia 15 čałaviek.
«Dzieviać ź ich dastaŭlenyja mašynami chutkaj miedycynskaj dapamohi. Špitalizavana 12», — skazaŭ načalnik Hałoŭnaha ŭpraŭleńnia pa achovie zdaroŭja Viciebskaha abłvykankama Michaił Višniaviecki.
Jon dadaŭ, što troje pacyjentaŭ prachodziać lačeńnie ambułatorna.
Na hety momant u ciažkim stanie dvoje pacyjentaŭ, jakija znachodziacca ŭ reanimacyi Viciebskaj abłasnoj kliničnaj balnicy.
Pažar u viciebskim handlovym centry likvidavali, spatrebiłasia 4 z pałovaj hadziny
«Niekatoryja viciablanie pavodzili siabie vielmi hodna». Śviedki pažaru ŭ handlovym centry padzialilisia ŭražańniami
«Ačahoŭ, jak my bačym, niekalki». Strašna hareŭ handlovy centr u Viciebsku VIDEA
U Viciebsku zahareŭsia handlovy centr. Jość paciarpiełyja
Kamientary