Troje žycharoŭ Minskaha rajona atrucilisia antyfryzam, adzin pamior
Žychar Minskaha rajona pamior ad atručvańnia paśla ŭžyvańnia etylenhlikolu, paviedamili ŭ Dziaržaŭnym kamitecie sudovych ekśpiertyz.
U milicyju pastupiła infarmacyja ad dyśpietčara chutkaj dapamohi, što ŭ adnym z damoŭ znojdzieny biez prykmiet žyćcia mužčyna 1963 hoda naradžeńnia.
Jon pracavaŭ na śmiećciepierapracoŭčym pradpryjemstvie, dzie siarod inšaha śmiećcia znajšoŭ cełafanavy pakiet z ružovaj vadkaściu i vyrašyŭ jaje vypić.
Ekśpierty vyśvietlili, što hramadzianin pamior ad vostraha atručvańnia, vyklikanaha ŭžyvańniem etylenhlikolu.
Paźniej byli zarehistravanyja dva padobnyja vypadki — u balnicu ŭ ciažkim stanie trapili jašče dvoje rabotnikaŭ taho ž pradpryjemstva, jakija pili tuju ž vadkaść.
Da Kamiteta raspaviali, što etylenhlikol — heta prazrystaja aleistaja vadkaść, jakaja nie maje pachu i koleru. Čaściej za ŭsio jon užyvajecca dla vyrabu antyfryzaŭ dla aŭtamabilnych sistem astudžeńnia.
Sudovyja ekśpierty nahadvajuć pra važnaść vykanańnia mier zaściarohi pry vykarystańni patencyjna niebiaśpiečnych vadkaściaŭ: nie varta pieralivać ich u butelki z-pad napojaŭ, a taksama sprabavać vyznačyć rečyva na smak.
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary