U Homieli adkryjecca pieršy punkt skandalnaj dastaŭki sušy «Jobidojobi»
U Biełaruś sietka idzie pa franšyzie, ale pad krychu inšaj nazvaj.
Pieršy punkt skandalnaj rasijskaj sietki hramadskaha charčavańnia «Jobidajobi» ŭ chutkim časie adkryjecca ŭ Homieli. Ustanovu ŭžo rychtujuć da adkryćcia.
Punkt adkryvajuć pa franšyzie, a nazvu vyrašyli źmianić na «Jo sušy i roły». U łahatypie buduć vykarystoŭvać vialikuju litaru «Jo», piša OfficeLife.
Dastaŭka sušy i rołaŭ i samavyvoz buduć pracavać pa franšyzie «Jobidajobi», što na japonskaj aznačaje «dzień tydnia — subota».
Skandalny prajekt u 2016 hodzie zapuścili pradprymalniki z Krasnajarska Dźmitryj pradzied i Kanstancin Zimien. Sietka časta akazvajecca ŭ centry miedyjnych skandałaŭ.
U siaredzinie 2023 hoda kampanija prajhrała sud ź Fiederalnaj padatkovaj słužbaj Rasii. Viedamstva patrabavała, kab «Jobidajobi» źmianiła svaju firmiennuju nazvu, bo jana «suhučna ź nienarmatyŭnaj leksikaj, maje nieprystojny sens i supiarečyć hramadskim intaresam i pryncypam marali».
Tym nie mienš, taki padychod da markietynhu apynuŭsia paśpiachovym. U kampanii 82 partniory i bolš za 200 filijałaŭ u čatyroch krainach śvietu, a hadavy abarot sietki składaje $75 młn.
Ciapier čytajuć
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj10
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary
Adnojčy, jašče za savieckim časam, dakładna ŭžo nie pryhadaju na jakoj vulicy heta bačyŭ na ŭłasnyja vočy, ale ... Heta było leta, nastupny dzień paśla vypusknych u škole. Tak voś na kramie Mebla/Miebiel niechta staranna, ale sa śladami vidavočnaj niaprostaj baraćby, adarvali zahłaŭnyja litary abiedźviuch słoŭ. Cikavaje było vidovišča