U Minharvykankamie raskazali, dzie možna budzie sustreć Novy hod u Minsku

— Uračystaja cyrymonija zapalvańnia navahodnich jełak i śviatočnaj iluminacyi projdzie zaŭtra, 10 śniežnia, a 17 hadzinie na Kastryčnickaj płoščy, — raskazała načalnik upraŭleńnia kultury Minharvykanama Kaciaryna Łučyna.

— A na nastupny dzień, 11 śniežnia, Pieršy nacyjanalny handlovy dom stanie rezidencyjaj staličnaha Dzieda Maroza. Nievialiki kazačny domik raźmieścicca na hałoŭnaj płoščy handlovaha centra.Prymać maleńkich i darosłych haściej Dzied Maroz i Śniahurka buduć z 11 śniežnia pa 7 studzienia. Tut ža z 25 pa 30 śniežnia projduć dzionnyja navahodnija dziciačyja animacyjnyja prahramy, majstar-kłasy.

U svaju čarhu, handlovy centr «Stalica» ŭpryhožyć navahodniuju fotazonu pa matyvach kazki «Dvanaccać miesiacaŭ». Štodzionnyja śviatočnyja prahramy dla naviedvalnikaŭ zapłanavany z 25 pa 30 śniežnia.

— Forum Dziadoŭ Marozaŭ i Śniahurak zapłanavany ŭ Vierchnim horadzie na 24 śniežnia, — dadała K. Łučyna. — Kazačnyja piersanažy pradstaviać usie rajony stalicy.

Asnoŭnymi placoŭkami navahodnich hulańniaŭ haradskoha maštabu stanuć terytoryi la Pałaca sportu i ŭ Vierchnim horadzie.

Ale pieršaja łakacyja stanie śviatočnaj navat raniej. Z 14 śniežnia pa 14 studzienia tut budzie pracavać «Kaladny kirmaš». Pa tradycyi, u draŭlanych handlovych šale pradstaviać vialiki asartymient navahodniaj pradukcyi: ad jołačnych upryhožvańniaŭ, suvieniraŭ i padarunkavych naboraŭ da kulinarnych i kandytarskich vyrabaŭ.

Na 18 śniežnia namiečany start prezientacyi-konkursu rajonnych jołak, u stvareńni jakich udzielničajuć viadučyja pradpryjemstvy i arhanizacyi horada. Z 25 śniežnia pa 7 studzienia kala Pałaca sportu kožny dzień u 19 hadzin budzie pačynacca navahodniaja kazka «Čaraŭnik staroha horada, abo tajamnica Trajeckaha pradmieścia». Zapłanavany taksama śviatočnyja prahramy i na kaladnyja śviaty. U hetyja dni hulańni buduć prachodzić z 12 da 22 hadzin.

U Vierchnim horadzie kožny dzień z 25 śniežnia pa 2 studzienia ŭviečary ŭ 17:30 i 20:00 haradžan i haściej Minska čakajuć na imprezie «Novy hod u krainie cacak».

— Placoŭka la Pałaca sportu stanie adnoj z hałoŭnych łakacyj i ŭ noč na 1 studzienia, — skazała K. Łučyna. — U śviatočnym kancercie, jaki pačniecca a 0: 30 i praciahniecca da 4 ranicy, buduć udzielničać papularnyja biełaruskija estradnyja vykanaŭcy i tvorčyja kalektyvy. U repiertuary-navahodnija i kaladnyja pieśni. Jašče adna śviatočnaja prahrama projdzie tut ža 1 studzienia z 19:30 da 22:00.

Masavyja hulańni ŭ navahodniuju noč projduć i ŭ rajonach horada na 20 adkrytych placoŭkach. U Zavodskim rajonie kala «Čyžoŭka-Areny», la basiejna «Vołat», a taksama Pałaca dziaciej i moładzi «Zołak». U Leninskim — kala Minskaha haradskoha Pałaca kultury i la kinateatra »Salut». U Maskoŭskim — u parku imia M. Paŭłava, žyłym rajonie Brylevičy i skviery «Palanka».

Hulańni ŭ Kastryčnickim rajonie zapłanavany na placoŭcy kala Pałaca kultury čyhunačnikaŭ, u žyłym rajonie Sokał i kala doma № 44 na vuł. Śviatočnaj łakacyjaj u Partyzanskim rajonie stanie park ekstremalnych vidaŭ sportu. U Pieršamajskim buduć dziejničać čatyry placoŭki — kala Nacyjanalnaj biblijateki, kala doma № 1 na vuł. Rusijanava, kala kłuba «Rakietčyk» na vuł. Fohiela i kala doma № 15 na vuł. Hierojaŭ 120-j dyvizii. U Savieckim — placoŭka la Kamaroŭskaha rynku. U Frunzienskim rajonie buduć dziejničać dźvie łakacyi — kala Minskaha ladovaha pałaca sportu i ŭ parku imia Uha Čaviesa. A ŭ Centralnym hulańni razhornucca la Pałaca dziaciej i moładzi.

— U kancertnych prahramach voźmuć udzieł biełaruskija vykanaŭcy i tvorčyja kalektyvy. Čas pracy kancertnych placovak u rajonie — da 3-4 hadzin ranicy, — reziumavała Łučyna.

• 0
• 0
• 0
• 0
• 0
• 1
• 0
• 0