Paśla 25 hadoŭ źniavoleńnia vyjšaŭ na volu viadomy kałumbijski narkabaron
Adzin sa znakamitych kałumbijskich narkabaronaŭ i klučavaja fihura Miedeljinskaha kakainavaha kartela Fabia Ačoa Vaskies byŭ vyzvaleny z amierykanskaj turmy, pravioŭšy ŭ źniavoleńni 25 hadoŭ z pryznačanaha jamu 30-hadovaha terminu, piša «Hołas Amieryki».
Ciapier 67-hadovy Ačoa razam sa svaimi bratami zarabiŭ vializnyja hrošy padčas «kakainavaha bumu» ŭ ZŠA ŭ kancy 1970-ch — pačatku 1980-ch hadoŭ. Sprava dajšła da taho, što ŭ 1987 hodzie jany ŭvajšli ŭ śpis miljarderaŭ časopisa Forbes.
Bazujučysia ŭ Majami, Ačoa kantralavaŭ klučavy centr dystrybucyi kartela, jaki kaliści ŭznačalvaŭ słavuty Pabła Eskabar. I choć jahonaja viadomaść pryhasła, kali centr narkahandlu pieramiaściŭsia z Kałumbii ŭ Mieksiku, Ačoa znoŭ źjaviŭsia ŭ papularnaj kultury dziakujučy sieryjału Netflix «Narka» (Narcos), u jakim jon paŭstaje jak vychadziec z elitnaj siamji ŭ Medeljina, jaki pačynaje zajmacca raźviadzieńniem koniej.
Pieršaje abvinavačvańnie ŭ ZŠA jamu było vystaŭlena ŭ 1986 hodzie ŭ suviazi z zabojstvam infarmatara ŭpraŭleńnia pa baraćbie z narkotykami Bary Siła. Ačoa byŭ upieršyniu aryštavany ŭ 1990 hodzie ŭ Kałumbii, ale nie byŭ ekstradavany ŭ ZŠA. Da taho času jon byŭ uklučany ŭ amierykanski śpis «dvanaccaci najbolš šukanych» kałumbijskich narkabaronaŭ.
U 2001 hodzie jon byŭ aryštavany paŭtorna i na hety raz byŭ ekstradavany i asudžany ŭ Majami za zmovu z metaj kantrabandy narkotykaŭ, u jakoj udzielničali bolš za 40 čałaviek. U adroźnieńnie ad svaich saŭdzielnikaŭ, jakija pajšli na supracoŭnictva dziela bolš miakkaha pakarańnia, Ačoa paličyŭ za lepšaje stać pierad sudom, što pryviało da jaho praciahłaha turemnaha źniavoleńnia.
Były fiederalny prakuror ZŠA Ryčard Hrehary, jaki byŭ členam kamandy abvinavačvańnia pa spravie Ačoa, zajaviŭ, što ŭładam nie ŭdałosia kanfiskavać usie aktyvy siamji Ačoa, nažytyja złačynnaj dziejnaściu. Jon vykazaŭ zdahadku, što Ačoa sustrenie ciopły pryjom pry viartańni na radzimu.
«Jon nie budzie žyć u biednaści, heta ŭžo dakładna», — zajaviŭ Hrehary Associated Press.
ZŠA niezvyčajnym čynam dabilisia ad mieksikanskaha narkakartela zhortvańnia vytvorčaści
U Amsterdamie aryštavali mierkavanaha kiraŭnika «azijackaj narkaimpieryi». Jaho paraŭnoŭvajuć z Eskabaram i El Čapa
U Majami-Bič razburyli asabniak narkabarona Pabła Eskabara
Dziesiać novych sieryjałaŭ: voś što možna pahladzieć
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary