Palicyja Niderłandaŭ pa vydadzienym u Aŭstralii ordary aryštavała mierkavanaha lidara adnaho z najbujniejšych narkasindykataŭ u śviecie.
Śledčyja ličać, što Ce Čy Łop — hramadzianin Kanady, jaki naradziŭsia ŭ Kitai, — źjaŭlajecca kiraŭnikom aljansu tryjad (mafijoznych hrupovak). Aljans jaho členy nazyvajuć davoli prosta: The Company (kampanija). Jon daminuje na rynku nielehalnych narkotykaŭ u Azii, abjom jakoha aceńvajuć u 70 młrd dalaraŭ, piša Bi-bi-Si.
Ce Čy Łop byŭ adnym z samych šukanych u śviecie ŭciekačoŭ złačyncaŭ. Jaho zatrymali ŭ amsterdamskim aeraporcie Schipchoł.
Ciapier Aŭstralija budzie damahacca jaho ekstradycyi, kab na terytoryi hetaj krainy adbyŭsia sud.
Tse Chi Lop is suspected by police of running a vast drug cartel in Asia that rakes in up to $17 billion a year, drawing comparisons to El Chapo and Pablo Escobar. But unlike the Latin drug lords, little is known about him https://t.co/jK85ltIRVI pic.twitter.com/R3UbgiJznQ
Fiederalnaja palicyja Aŭstralii ličyć, što The Company, taksama viadomaja jak sindykat Sam Hor, pastaŭlaje da 70% usich niezakonnych narkotykaŭ, jakija traplajuć u krainu. 56-hadovaha Čy Łopa z-za nadzvyčajnaha maštabu dziejnaści nieadnarazova paraŭnoŭvali ź mieksikanskim narkabaronam El Čapa abo kałumbijskim narkabaronam Pabła Eskabaram.
Aŭstralijskaja palicyja sačyła za Ce Čy Łopam bolš za 10 hadoŭ, pierš čym jaho aryštavali ŭ piatnicu, kali jon źbiraŭsia sieści na rejs da Kanady.
U zajavie palicyi, u jakoj nie było proźvišča aryštavanaha, adznačajecca, što ordar na aryšt vydali ŭ 2019 hodzie, a palicyja Niderłandaŭ dziejničała pa navodcy Interpoła.
Infarmacyjnaje ahienctva, cytujučy acenku AAN, śćviardžaje, što dachod sindykata tolki ad prodažu mietamfietaminu u 2018 hodzie moh skłaści 17 młrd dalaraŭ.
U sprobach aryštavać Čy Łopa ŭ apieracyi «Kunhur» brali ŭdzieł blizu 20 ahienctvaŭ z usich kantynientaŭ, a aŭstralijskaja fiederalnaja palicyja była inicyjataram, paviedamlaje Reuters.
Ciapier čytajuć
Adpačynak u Emiratach skončyŭsia dla siamji trahiedyjaj: «Mama pamierła, a ajčym apynuŭsia ŭ turmie»9
Adpačynak u Emiratach skončyŭsia dla siamji trahiedyjaj: «Mama pamierła, a ajčym apynuŭsia ŭ turmie»
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1515
Kamientary