Pra toje, nakolki ŭ Biełarusi pašyryłasia hadavańnie indykoŭ, raskazaŭ premjer-ministr Raman Hałoŭčanka padčas naviedvańnia vytvorčaj placoŭki ahrakambinata «Dziaržynski» Kapylskaha rajona.
«Indyk — važny napramak raźvićcia miasnoj ptuškahadoŭli ŭ krainie, jon idzie burnymi tempami. U paraŭnańni z 2021 hodam vytvorčaść hetaha karysnaha vidu miasa vyrasła bolš čym u try razy. U nas u krainie ciapier try placoŭki — u Astraŭcy, Lidzie i Kapylskim rajonie», — skazaŭ Raman Hałoŭčanka.
Placoŭka ahrakambinata «Dziaržynski» ŭ Kapylskim rajonie raźličanaja na vytvorčaść 6 tys. ton indyčynaha miasa ŭ hod, i źbirajucca ŭ jašče adnym rajonie pabudavać jašče na 4 tys. ton. A ŭvohule ŭžo ciapier, jak śćviardžaje Hałoŭčanka, «ahulny abjom vytvorčaści ŭ krainie budzie kala 10 tysiač ton».
Pavodle jaho słoŭ, popyt na takoje miasa dobry, i jaho papularnaść raście. Dy i sam Hałoŭčanka jaho aktyŭna spažyvaje, časta bieručy advarnoje file na abied.
Asnoŭnaja častka biełaruskaj indyčaciny pradajecca na ŭnutranym rynku, ale častka idzie na ekspart u Rasiju, kudy pastavili bolš za 1200 ton.
Bajden pamiłavaŭ dźviuch indyčak pierad Dniom padziaki
Čynoŭnica zaŭvažyła, što biełarusy jaduć zašmat miasa. U tyktoku joj adkazali
«Nie chapiła majho žyćcia, kab niešta samavitaje zrabić». Fiermier raskazaŭ, ci možna ŭ Biełarusi razbahacieć, hadujučy aviečak
Biełaruś uvajšła ŭ top-5 jeŭrapiejskich krain z samymi nizkimi cenami na kuracinu
Ciapier čytajuć
Vaziŭ nataŭcaŭ u Afhanistan i skidvaŭ humanitarku ŭ Sudanie, a potym trapiŭ u turmu pa danosie siabra z Ukrainy2
Kamientary