Biełaruskuju śpiavačku Rusłanu Pančyšynu pryznali ŭ Ispanii adkryćciom hoda
Rusłana, jakaja žyvie ŭ Ispanii, paśla paśpiachovaha ŭdziełu ŭ miascovaj viersii prajekta «Fabryka zorak» atrymała prestyžnuju muzyčnuju premiju, vypuściła studyjny albom i pačała kancertny tur u jaho padtrymku, paviedamlaje «Biełaruś i śviet».
Našaj suajčyńnicy 8 listapada ŭručyli ŭznaharodu premii LOS 40 Music Awards, jakuju ŭžo 19-y raz praviała najbolšaja ŭ krainie muzyčnaja radyjostancyja LOS40. Rusłana vyjhrała ŭ naminacyi «Najlepšy novy artyst ci hurt u Ispanii».
Cyrymonija ŭznaharodžańnia adbyłasia ŭ Barsiełonie, na krytaj šmatfunkcyjanalnaj arenie Palau Sant Jordi. Jaje tranślavali, akramia samoha radyjo LOS 40, pryvatny telekanał Divinity, ličbavaja płatforma Originales por M+ i videaservis YouTube.
Forum adnačasova byŭ telemarafonam u padtrymku achviar niadaŭniaj pavodki ŭ Valensii. Zmahli sabrać amal paŭmiljona jeŭra. Na im prysutničali mnohija zorki ispanskaha i łacinaamierykanskaha šou-biznesu, u tym liku Enrykie Ihlesijas.
Taksama ŭ Rusłany 15 listapada vyjšaŭ pieršy albom, jaki nosić nazvu Genesis, što ŭ pierakładzie aznačaje «Zaradžeńnie». Jon vypuščany Universal Music Spain — padraździaleńniem najbujniejšaha ŭ śviecie muzyčnaha łejbła Universal Music Group.
U zbornik uvajšli 10 piesień u styli pop-rok. Siarod ich — Quien Soy («Chto ja»), Amigos («Siabry»), Tengo Un Don («U mianie jość dar»), La Cura («Asensavańnie»). Praducyravali albom takija artysty, jak Pabła Rus, D3llano, Mango, Santjaha Dełučy, LaloGV.
U dzień vychadu alboma pačaŭsia i kancertny tur maładoj śpiavački pa Ispanii ŭ jaho padtrymku. Jon uklučaje 11 vystupleńniaŭ u załach — dva ŭ Madrydzie, pa adnym u Hranadzie, Sievilji, Barsiełonie, Sarahosie, Aŭjeda, Viha, Tenieryfie, Bilbaa i Valensii.
Cikava, što bilety na ŭsie zhadanyja kancerty, jak skazana na sajcie Rusłany, byli raskupleny ŭ rekordnyja terminy — za paru hadzin paśla pastupleńnia ŭ prodaž. I ciapier užo pačata realizacyja biletaŭ na kancerty 2025 hoda.
-
Hanna Bond u zachapleńni ad kancerta Lepsa. Ale pakryŭdziłasia na abureńnie svaich padpisčykaŭ
-
Biełaruskaja repierka Mejbi Bejbi naviedała Dziarždumu i adpraviła humanitarnuju dapamohu rasijskim vojskam
-
Kab razdać kvitki na Šamana, padklučyli rajvykankamy. A jon zapisaŭ videa «Priviet, Biełoruśsija!» i śpiavaŭ himn Rasii
Ciapier čytajuć
Łosik raskazaŭ, jak Babaryku katavali ŭ navapołackaj kałonii15
Łosik raskazaŭ, jak Babaryku katavali ŭ navapołackaj kałonii
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1010
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch10
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»11
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu44
Kamientary