Ciapierašni hałoŭny redaktar «Narodnaj haziety» Dźmitryj Krat adznačaŭsia brudnymi kamientarami ŭ adras aryštavanych žurnalistaŭ niezaležnych ŚMI.
Jon byŭ hałoŭnym redaktaram «Narodnaj haziety». Paviedamlajecca, što Krat pamior u 52 hady paśla chvaroby.
Raniej pracavaŭ u haziecie «SB. Biełaruś siehodnia».
Krat naradziŭsia va ŭkrainskaj Horłaŭcy, vučyŭsia tam i ŭ rasijskim Błahavieščansku, a taksama ŭ suvoraŭskaj vučelni na krai Azii — va Usuryjsku. Jaho adukacyja — Minskaja vyšejšaja vajenna-palityčnaja ahulnavajskovaja vučelnia.
Pavieł Jakubovič uziaŭ jaho ŭ «Sovietskuju Biełoruśsiju» jašče ŭ 2000 hodzie. Spačatku Krat pisaŭ pra ekanomiku, paśla pieraklučyŭsia na palityku. I ź ciaham času staŭ hałoŭnym supravadžajučym Łukašenki. U jaho šmat uznaharodaŭ za žurnalisckuju dziejnaść — ad urada, ad praŭładnaha Biełaruskaha sajuza žurnalistaŭ.
«A chto jašče viaknie ab padtasoŭcy i falsifikacyi, tak Čarnamyrdzin vielmi dachodliva kaliści skazaŭ: idzicie na ch**», — adznačaŭ publicyst u svaim fejsbuku paśla čarhovych vybaraŭ u Biełarusi.
Dźmitryj Krat zapomniŭsia chamskimi vykazvańniami na adras žurnalistaŭ ź niedziaržaŭnych vydańniaŭ.
«Za situacyjaj vakoł tutbaja ja naziraju nie bieź niekatoraj złaradnaści … Moža, jany [redaktarka TUT.by Maryna Zołatava i ahladalnica BiełaPAN Taćciana Karaviankova — Red.] całkam sabie simpatyčnyja damy i vielmi pryjemnyja i zručnyja ŭ pobycie» — pisaŭ jon u fejsbuku ŭ 2018-m.
U «Narodnaj haziecie» ŭ 2020-m prybrali z vokładki radok «Žyvie Biełaruś!», bieła-čyrvony łahatyp pamianiali na čyrvona-zialony.
«U svoj čas łahatyp mianie trochi razdražniaŭ — na čyrvonym fonie biełymi litarami «Narodnaja hazieta». Moža, u mianie heta prafiesijnaja defarmacyja, tym nie mienš chaciełasia niečaha, što b adlustroŭvała našy palityčnyja realii, našu simvoliku», — kazaŭ Krat.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1212
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata12
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary