Ryčard Hir pradstaviŭ novy sieryjał, u jakim svaje 20 siekundaŭ słavy atrymała i Biełaruś
Znakamity halivudski akcior Ryčard Hir pradstaviŭ u ranišnim šou Today na amierykanskim kanale NBC News špijonski sieryjał «Ahienctva» sa svaim udziełam, jaki vychodzić dniami. U efiry prahramy ŭ tym liku byŭ pakazany ŭryvak z trylera, u jakim havorka išła pra Biełaruś, piša sajt «Biełaruś i mir».
Epizod doŭžycca ŭsiaho kala 20 siekund i ŭjaŭlaje saboj napružanuju razmovu dvuch mužčyn, jakaja tyčycca niejkaj uźnikłaj prablemnaj situacyi.
Ryčard Hir, jaki hraje rolu kiraŭnika adździaleńnia CRU ŭ Łondanie, jakoje rychtuje i kuryruje ahientaŭ, što pracujuć pad hłybokim prykryćciom u roznych krainach, razmaŭlaje pa videasuviazi z, miarkujučy pa ŭsim, načalnikam.
«Biełaruś — heta situacyja, pra jakuju my całkam u kursie. Pakul ničoha asablivaha. Kazać niešta jašče rana, ale na hety momant my ŭ asnoŭnym bačym jaje jak łakalnuju prablemu», — niaŭpeŭniena tłumačyć šefu Hir.
«Džym, my abodva viedajem, što takoj rečy, jak łakalnaja prablema ŭ Biełarusi, nie isnuje», — žorstka adkazvaje jamu surazmoŭca z ekrana kamputara.
U hety momant Hir krajem voka hladzić mima manitora na svajho, mabyć, kalehu, jakoha ihraje Džefry Rajt. Toj pakazvaje jamu natatnik, na žoŭtym liście jakoha tolki što napisaŭ frazu «jon maje racyju». Hir uzdychaje, i na hetym epizod pieraryvajecca.
Jak raskazaŭ u dalejšaj razmovie ź viadučaj zorka filmaŭ «Krasunia» i «Chacika», źniaty novy telesieryjał na asnovie francuzskaha sieryjała «Biuro», jaki išoŭ na praciahu niekalkich hadoŭ i vielmi jamu padabaŭsia.
Darečy, premjera sieryjał «Ahienctva» pavinna adbycca 29 listapada 2024 hoda na telekanale Paramount+. U hałoŭnych rolach u im taksama źnialisia Majkł Faśbiender i Džodzi Ternier-Śmit, a siarod pradziusaraŭ paznačany Džordž Kłuni.
Biełaruś pakazali ŭ brytanskim sieryjale — takoj Smarhoni vy jašče nie bačyli
Aleh Harbuz źniaŭsia ŭ polskim špijonskim sieryjale
Kolki ŭ Vilejcy płaciać tym, chto hraje śpiecnazaŭcaŭ u fantastyčnym rasijskim sieryjale?
«Padobna da Polščy 20 hadoŭ tamu». Palaki-błohiery źniali mini-sieryjał z vandroŭki pa Biełarusi — što ździviła?
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami27
Kamientary
- Nie pavieryš, na nas rychtavaŭsia napad! Z čatyroch pyzycyj. Daviałosia nanieści 'prievientyŭny udar'.
- Heta ty sam bačyŭ, mapu z čatyrma pvzycyjami?
- Nie, ale Lasnuty kazaŭ