Mihrantu, jaki praz aharodžu zabiŭ polskaha sałdata z terytoryi Biełarusi, udałosia praniknuć u Zachodniuju Jeŭropu
Jaho bačyli ŭ Francyi i Bielhii.
Mihrant, jakoha padazrajuć u śmiarotnym ranieńni polskaha siaržanta Matevuša Sitaka praz aharodžu na biełaruska-polskaj miažy, znachodzicca ŭ Jeŭrasajuzie. Apošnim časam jon źjaŭlaŭsia ŭ Francyi i Bielhii, paviedamiŭ hienierał Arkadyuš Škutnik, piša Most.
— Hetaja asoba (padazravany zabojca) była identyfikavanaja. My majem jaho fota, viedajem, dzie jon byŭ, dzie źjaŭlaŭsia. Novyja sihnały ŭkazvajuć, što apošnim časam jon znachodziŭsia ŭ krainach Zachodniaj Jeŭropy, u tym liku ŭ Francyi i Bielhii, — raspavioŭ Škutnik.
Taksama hienierał raskazaŭ, što polskija słužby identyfikavali i skłali śpis z 42 najbolš niebiaśpiečnych mihrantaŭ, jakija atakavali sałdat kamianiami i rahatkami. Zabojca Sitaka ŭznačalvaje hety śpis. Škutnik ličyć, što jaho zatrymańnie — pytańnie času.
Raniej źjaviłasia infarmacyja, što polskaha sałdata zabiŭ hramadzianin Maroka. Ab hetym paviedamiła mihrantka, jakaja nielehalna pierajšła biełaruska-polskuju miažu i padała zajaŭku na mižnarodnuju abaronu. Polskija słužby aficyjna nie kamientavali hetuju infarmacyju.
***
21-hadovy Matevuš Sitak, sałdat 1-j Varšaŭskaj tankavaj bryhady, pamior 6 červienia ŭ Vajenna-miedycynskim instytucie Varšavy ad ranieńnia, atrymanaha 28 maja padčas słužby.
Tady miažu šturmavała hrupa z prykładna 50 mihrantaŭ. Jany pavodzili siabie ahresiŭna, zakidvajučy pahraničnikaŭ halinami dreŭ, pałkami i kamianiami. U adnaho ź ich byŭ nož, prymacavany da pałki. Im jon praz aharodžu pyrnuŭ polskaha sałdata. Sasłužyvica pačała akazvać jamu pieršuju dapamohu, ale mihranty atakavali i jaje. Sitak byŭ špitalizavany, ale, niahledziačy na namahańni daktaroŭ, vyratavać jaho nie ŭdałosia. Momant śmiarotnaha ranieńnia trapiŭ na videa kamier nazirańnia, što dazvoliła stvaryć partret zabojcy i identyfikavać jaho z dapamohaj inšych mihrantaŭ.
Ciapier čytajuć
Natalla Piatkievič stała vice-premjeram, a Karanik uznačaliŭ Akademiju navuk6
Natalla Piatkievič stała vice-premjeram, a Karanik uznačaliŭ Akademiju navuk
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ44
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ4
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary