U sierbskim Novi-Sadzie tysiačy demanstrantaŭ patrabavali adstaŭki ŭładaŭ krainy VIDEA
Žychary vyjšli na pratest paśla trahiedyi na haradskim vakzale, dzie abrynuŭsia dach, u vyniku čaho zahinuli 14 čałaviek
Tysiačy čałaviek sabralisia kala meryi Novi-Sada ŭ Sierbii. Heta reakcyja na trahiedyju, jakaja adbyłasia 1 listapada: u vyniku abrušeńnia bietonnaha naviesu na čyhunačnym vakzale zahinuli 14 čałaviek.
Pratestoŭcy abvinavačvajuć urad krainy i ŭłady horada ŭ karupcyi. Jany patrabujuć adstaŭki mera horada Miłana Džuryča i premjer-ministra Sierbii Miłaša Vučeviča, a taksama pakarańnia ludziej, jakija adkazvali za rekanstrukcyju vakzała.
U peŭny momant ludzi pasprabavali prarvacca ŭ meryju, pačalisia sutyčki z palicyjaj, siłaviki ŭžyli ślezaciečny haz. Miascovyja ŚMI paviedamlajuć, što pratestoŭcaŭ žorstka zatrymlivajuć, u tym liku ludzi ŭ cyvilnym.
Uviečary ŭ Novi-Sad prybyŭ prezident Sierbii Alaksandr Vučyč. Pryblizna a 22-j hadzinie pa miascovym časie (0:00 pa Minsku) ludzi pačali razychodzicca. Palicejskija zatrymlivajuć ludziej u kvartałach pobač z meryjaj.
Kamientary