«Samy nizki pakazčyk VUP za 27 hadoŭ». Ułady raskazali, jak ekanomika prasieła paśla pačatku vajny
«U nas byli stračanyja asvojenyja raniej rynki zbytu, razarvanyja łahistyčnyja łancužki».
Pieršaja namieśnica staršyni Nacyjanalnaha statystyčnaha kamiteta Alena Kucharevič raskazała BiełTA, što ŭ 2022-m sankcyi mocna adbilisia na biełaruskaj ekanomicy.
«U 2022 hodzie Respublika Biełaruś sutyknułasia ź biesprecedentnymi sankcyjami ŭ svoj adras (u dadatak da ŭžo ŭviedzienych). Heta, viadoma, rezka pahoršyła pracu ŭ cełym usioj ekanomiki. Zrazumieła, byli ŭ nas stračanyja asvojenyja raniej rynki zbytu, razarvanyja łancužki łahistyčnyja, kaapieracyjnyja, uźnikli niejkija prablemy z apłataj źniešniehandlovych abaviazacielstvaŭ. Była zabarona na technałahičny impart, zabarona naohuł na impart asobnych tavaraŭ. Voś hetaja voś karcina pierš za ŭsio farmavała niehatyŭnyja rejtynhi, u tym liku i Suśvietnaha banka», — prakamientavała pieršaja namieśnica staršyni Biełstata.
Pa vynikach 2022 hoda VUP Biełarusi ŭpaŭ prykładna na 5%. «Heta naohuł byŭ samy nizki pakazčyk VUP za 27 hadoŭ u historyi našaj krainy, — pryznała Alena Kucharevič. Ale jana śćviardžaje, što apieratyŭnyja miery, jakija pryniaŭ urad u 2023 hodzie, dazvolili źmianić situacyju.
Z maja 2023 hoda VUP pačaŭ adnaŭlacca. Pa vynikach minułaha hoda VUP vyras na 3,9 pracenta — ale heta z ulikam nizkaj bazy 2022-ha.
Pa abnoŭlenym prahnozie Suśvietnaha banka VUP Biełarusi za 2024 hod pavialičycca na 4%, a ŭ 2025-m — na 1,2%.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram2
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary