«Kansensusu ciapier niama». Bajden vykazaŭsia pra dalnabojnyja ŭdary pa Rasii
Prezident ZŠA Džo Bajden paśla pieramovaŭ z tryma jeŭrapiejskimi lidarami ŭ Bierlinie ŭ piatnicu, 18 kastryčnika, źviarnuŭ uvahu na adsutnaść źmienaŭ adnosna dazvołu Ukrainy nanosić dalnabojnyja ŭdary ŭhłyb Rasii. Pra heta jon skazaŭ žurnalistam pierad adlotam z Hiermanii, paviedamlaje «Jeŭrapiejskaja praŭda».
U Bajdena spytali, ci isnuje imaviernaść źmieny jahonaj pazicyi adnosna ŭžyvańnia Ukrainaj dalnabojnaj zbroi dla ŭdaraŭ uhłyb Rasii, «što źjaŭlajecca adnoj z hałoŭnych prapanoŭ, vyłučanych prezidentam Zialenskim».
«U zamiežnaj palitycy nikoli nie kažuć: «Ja nikoli nie pieradumaju». Ciapier kansensusu pa dalnabojnaj zbroi niama», — adkazaŭ prezident ZŠA.
Džo Bajden byŭ u Bierlinie z karotkim vizitam, padčas jakoha abmierkavaŭ, siarod inšaha, vajnu Rasii suprać Ukrainy ź lidarami Hiermanii, Francyi i Vialikabrytanii.
U vieraśni Bajden užo namiakaŭ na mahčymaść źniaćcia abmiežavańniaŭ na prymianieńnie dalnabojnaj zbroi Ukrainaj, skazaŭšy, što jahonaja administracyja «pracuje nad hetym pytańniem».
Ukraina imkniecca vykarystoŭvać dalnabojnyja rakiety dla paražeńnia rasijskich avijabaz i vajskovych abjektaŭ, jakija vykarystoŭvajucca dla napadaŭ na ŭkrainskija harady.
Prezident Litvy nazvaŭ hałoŭnuju prablemu płana Zialenskaha
Hiensak NATA zaklikaŭ členaŭ aljansu ihnaravać jadziernyja pahrozy Pucina
Zialenski abvierhnuŭ, što padčas jeŭrapiejskaha turne jon abmiarkoŭvaŭ pytańnie pieramirja z Rasijaj
Žazep Barel viedaje, jak skončyć vajnu va Ukrainie za dva tydni. Ale heta nie jahony varyjant
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe1
Kamientary
i etim vsio skazano.