Pradvybarčy štab kandydata ŭ prezidenty ZŠA Donalda Trampa zapytaŭ dadatkovuju abaronu ŭ apošnija tydni pieradvybarčaj kampanii. Pra heta ŭ piatnicu paviedamiła The Washington Post sa spasyłkaj na krynicy i elektronnyja listy.
Jak paviedamlajecca, štab Trampa źviarnuŭsia da Sakretnaj słužby z prośbaj abmiežavać paloty nad jaho rezidencyjaj i miescami praviadzieńnia mierapryjemstvaŭ, a taksama pastavić kulenieprabivalnaje škło i dać vajskovuju techniku.
Siabar Trampa, respublikaniec Majkł Uołc, u svaim liście da Sakretnaj słužby paprasiŭ dać Trampu samalot Uzbrojenych sił abo dadatkovuju abaronu dla jaho pryvatnaha samalota. Padstavaj dla niepakoju stała pahroza zamachu z boku Irana, piša Radyjo Svaboda.
Raniej štab Trampa paviedamiŭ, što atrymaŭ ad amierykanskaj raźviedki infarmacyju ab pahrozach. Adnak na hety momant niama źviestak ab suviazi Irana z apošnimi zamachami na Trampa.
Prezident ZŠA Džo Bajden, kamientujučy prośbu pieradvybarčaha štaba kandydata, zajaviŭ, što Tramp pavinien atrymlivać abaronu ad Sakretnaj słužby, jak i dziejučy prezident. Bajden taksama dadaŭ, što prośba Trampa ab vykarystańni vajennych budzie zadavolena, kali heta adpaviadaje praviłam abarony dziejučaha prezidenta.
Ciapier čytajuć
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary