Partyja vyłučyła 204 pretendenty.
U pres‑kanfierencyi BCHD uziali ŭdzieł Pavieł Sieviaryniec, Vital Rymašeŭski, Alaksiej Šein i Luboŭ Kamienieva — kiraŭnička maładych chryścijanskich demakrataŭ.
BCHD płanuje vysunuć praz zbor podpisaŭ vyłučyć 204 kandydaty ŭ miascovyja saviety. 90% z kandydataŭ ad chryścijanskich demakrataŭ buduć upieršyniu bałatavacca ŭ miascovyja saviety. Siarod viadomych dziejačoŭ BCHD u vybarach buduć prymać udzieł Alaksiej Šejn, Hieorhij Dźmitruk, Taisa Kabančuk, Mikoła Baŭsiuk, Dzianis Sadoŭski, Kanstancin Žukoŭski. Lidery BCHD zajavili, što śpis kandydataŭ uzhadniaŭsia z BNB.
P.Sieviaryniec adznačyŭ, što «heta budzie pieršaja kampanija BCHD nacyjanalnaha ŭzroŭniu. Dla nas heta pieradusim surjoznaja mahčymaść pracavać ź ludźmi, a nie demakratyčnaja vybarčaja kampanija. Vybaraŭ u Biełarusi niama».»My chočam uskałychnuć Biełaruś pierad prezidenckimi vybarami. BCHD — heta adziny vyklik, na jaki Łukašenka nie zmoža adkazać. Režym nie moža pierastać chłusić i kraści. Režym nie zmoža adkazać na pytańni marali».
Vital Rymašeŭski prakamientavaŭ vialikuju kolkaść kandydataŭ ad BCHD nastupnym čynam: «Heta adkaz na pytańnie, čamu nas nie rehistrujuć. Padčas vybaraŭ u miascovyja saviety stanie vidavočna, ci padrychtavanaja BCHD da prezidenckich vybaraŭ».
Stali viadomymi i pieršyja kroki pieraškodaŭ z boku ŭłady. Usiaho płanavałasia vyłučyć kala 300 kandydataŭ, adnak padčas pracesu padačy dakumientaŭ amal 100 čałaviek admoviłasia ad udziełu ŭ vybarach.
U pryvatnaści, paśla cisku z boku ŭłady admoviŭsia bałatavacca V.Šelech z Kiraŭskaha rajona, P.Małanačkin z Horak.
U BCHD płanujuć pieradać śpis z 204‑och kandydataŭ u dypłamatyčnyja pradstaŭnictvy jeŭrapiejskich krain.
Kamientary