Tramp zajaviŭ, što kali prajhraje, nie budzie bałatavacca ŭ 2028 hodzie
«Nie. Ja dumaju, na hetym budzie ŭsio», — skazaŭ jon.
Eks-prezident i kandydat u prezidenty ZŠA Donald Tramp skazaŭ u niadzielu, što ŭ vypadku parazy na listapadaŭskich vybarach bolš nie budzie bałatavacca ŭ prezidenty, piša Bi-bi-si.
Viadučaja teleprahramy Full Measure na Sinclair Broadcast Group TV spytała jaho ŭ intervju, ci źbirajecca jon u 2028 hodzie raspačać novuju sprobu viarnucca ŭ prezidenty, kali ŭ listapadzie prajhraje Kamale Charys.
«Nie. Ja dumaju, na hetym budzie ŭsio. Ja zusim nie baču [siabie znoŭ kandydatam]», — skazaŭ 78-hadovy Tramp, ale dadaŭ: «Spadziajusia, my vystupim vielmi paśpiachova».
U ZŠA pa zakonie čałaviek nie moža zajmać pasadu prezidenta bolš za dva terminy, tak što i ŭ vypadku pieramohi Tramp taksama nie zmoža znoŭ bałatavacca ŭ 2028 hodzie.
Raniej Tramp vielmi redka kazaŭ pra mahčymaść parazy na vybarach — jon amal zaŭsiody ŭ pramovach pierad svaimi prychilnikami i ŭ dopisach u sacsietkach upeŭniena zajaŭlaŭ ab budučaj pieramozie.
Ale za apošnija čatyry dni jon užo dvojčy dapuściŭ mahčymaść taho, što prajhraje.
Ciapier čytajuć
Stali viadomyja padrabiaznaści pra trahiedyju ŭ Połackim manastyry15
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary