Staršynia Jeŭraparłamienta sustrakajecca siońnia ŭ Varšavie ź Milinkievičam
Staršynia Jeŭraparłamienta Ježy Buzek sustrakajecca siońnia ŭ Varšavie z Alaksandram Milinkievičam, kab abmierkavać ź im situacyju vakoł niepryznavanaha ŭładami Sajuzu palakaŭ Biełarusi na čale z Anžalikaj Borys.
Sustreča pačałasia a 16‑j hadzinie pavodle minskaha času. Pavodle pres‑słužby, za apošnija niekalki tydniaŭ biełaruskija ŭłady pajšli na šerah represiŭnych krokaŭ adnosna aktyvistaŭ Sajuzu palakaŭ Biełarusi: firma spadaryni Anžaliki Borys była aštrafavana na bujnuju sumu hrošaj, što stavić jaje pad pahrozu likvidacyi.
Napiaredadni sustrečy ź lideram ruchu «Za Svabodu» Alaksandram Milinkievičam Ježy Buzek skazaŭ, što Biełaruś parušaje svaje abaviazańni jak člena ABSE, i papiaredziŭ adnosna nastupstvaŭ:
«Biełaruskija ŭłady pavinny ŭzvažyć, jakija vyhady kraina moža mieć ad dobrych dačynieńniaŭ ź Jeŭrasajuzam, i što jana moža stracić, parušajučy pryncypy demakratyi. Biez demakratyi Biełaruś budzie nie ŭ stanie vykarystać tyja instrumienty padtrymki, jakija joj prapanujucca ŭ ramkach palityki dobrasusiedztva Jeŭrasajuza».
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie36
Kamientary