Biełaruskamu almanachu dla dzietak i padletkaŭ «Žeŭžyk» patrebna dapamoha
Kamanda entuzijastaŭ, jakija pracujuć nad stvareńniem unikalnaha almanacha «Žeŭžyk» źviarnułasia pa dapamohu. «Žeŭžyk» — heta nie prosta almanach, a sapraŭdny kulturny prajekt, jaki dapamahaje dzieciam i padletkam paznać biełaruskuju movu i kulturu, piša «Budźma».
«Kab «Žeŭžyk» žyŭ i raźvivaŭsia, nam patrebna vaša padtrymka. Kožny vaš uniosak dapamoža nam praciahvać vypuskać almanach i rabić jaho dastupnym dla bolšaj kolkaści dziaciej.
Akramia taho, vy možacie stać miecenatam i dapamahčy dzieciam, jakija žadajuć vučycca ŭ našaj anłajn-škołcy, ale nie majuć finansavaj mahčymaści», — napisała kamanda prajekta.
Čamu heta važna?
Novyja vypuski «Žeŭžyka»
«Žeŭžyk» — heta nie prosta almanach, a srodak zachavańnia i raspaŭsiudžvańnia biełaruskaj movy i kultury siarod dziaciej.
Mahčymaści dla dziaciej
Vaša padtrymka dazvolić bolšaj kolkaści dziaciej dałučycca da zaniatkaŭ pa biełaruskaj movie i litaratury.
Zachavańnie kultury
Razam my zmožam danieści biełaruskuju movu i kulturu da bolšaj kolkaści dziaciej, jakija žyvuć jak u Biełarusi, tak i za miažoj.
Jak vy možacie dapamahčy?
Padtrymać vydańnie novych numaroŭ almanacha praz štomiesiačnyja ci adzinyja ŭnioski.
Stać miecenatam dla dziciaci, apłačvajučy štomiesiac jaho zaniatki pa biełaruskaj movie i litaratury.
Nabyć užo vydadzienyja numary («Rodnaja mova», «Muzyčnyja instrumienty» i tvorčy «Zimovy sšytak») dla siabie i svaich siabroŭ.
Padzialicca prajektam ź siabrami i znajomymi, kab bolš ludziej daviedalisia pra kłub «Žeŭžyk».
Padtrymać prajekt možna tut.
Kamientary