Kandydat ad vieniesuelskaj apazicyi paprasiŭ prytułku ŭ Ispanii i źjechaŭ z krainy
75-hadovy Edmunda Hansales, hałoŭny supiernik Nikałasa Madura na minułych prezidenckich vybarach, nakiroŭvajecca ŭ Madryd na ispanskim vajskovym samalocie. Pra heta paviedamiŭ kiraŭnik MZS Ispanii Chase Manuel Albares. Advakat Hansalesa paćvierdziŭ hetuju infarmacyju, piša BBC.
Raniej vice-prezident Vieniesueły Dełsi Radryhies napisała ŭ sacsietcy X, što Hansales paprasiŭ palityčnaha prytułku ŭ Ispanii. «Hramadzianin Edmunda Hansales Urucija pakinuŭ krainu paśla taho, jak paprasiŭ prytułku ŭ pasolstvie Ispanii ŭ Karakasie niekalki dzion tamu».
Vice-prezident dadała, što ŭłady Vieniesueła nie stali pieraškadžać apazicyjnamu lidaru dziela «spakoju i palityčnaha prymireńnia ŭ krainie».
Prezidenckija vybary ŭ Vieniesuele prajšli 28 lipienia. 29 lipienia Nacyjanalnaja vybarčaja rada Vieniesueły abviaściła, što prezidenckija vybary ŭ krainie vyjhraŭ dziejny kiraŭnik krainy Nikałas Madura z 51,2% hałasoŭ. Kandydat ad apazicyi, 74-hadovy Edmunda Hansales, atrymaŭ, pavodle padlikaŭ rady, 44,2% hałasoŭ.
Apazicyja z vynikami nie pahadziłasia. Sabranyja joj danyja pakazali, što Hansales vyjhraŭ amal 38 pracentnych punktaŭ, nabraŭšy 7,3 miljona hałasoŭ suprać 3,3 miljona hałasoŭ u Madura.
Apazicyja zajaviła pra maštabnyja falsifikacyi, na vulicach pačalisia akcyi pratestu. U vyniku sutyknieńnia zahinuli 27 čałaviek, bolš za 2 tys. byli aryštavanyja.
Ordar na aryšt byŭ vypisany taksama na kandydata ad abjadnanaj apazicyi, jaki ciaham apošniaha miesiaca chavaŭsia ad palicyi.
2 žniŭnia ZŠA vypuścili zajavu, u jakim nazvali Edmunda Hansalesa zakonnym pieramožcam vybaraŭ. U Jeŭropie damovilisia nie pryznavać abrańnie Madura prezidentam Vieniesueły. Sumnievy ŭ pieramozie Madura vykazali i lidary Brazilii, Mieksiki i Kałumbii.
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła8
Kamientary