Aŭto88

Sankcyi prynosiać svoj plon — prodažy novych aŭto ŭ Biełarusi bjuć rekordy

Za žnivień kampanijami — členami Biełaruskaj aŭtamabilnaj asacyjacyi było pradadziena 4916 novych mašyn.

Lepš, čym u davajennyja časy

Na dolu biełaruska-kitajskich mašyn (marki Geely i Belgee) prychodzicca 49% prodažaŭ lehkavoha transpartu, śviedčać danyja, apublikavanyja Biełaruskaj aŭtamabilnaj asacyjacyjaj.

Žnivieńskija pakazčyki — heta čarhovy rekord. Dla paraŭnańnia, u lipieni dylery realizavali 4 763 adzinki, što na toj momant było najbolšym pakazčykam za apošnija try hady.

4916 novych aŭto, pradadzienych u žniŭni, pabili rekordy ŭžo čatyrochhadovaj daŭniny. U davajennym 2021 hodzie biełaruskim dyleram za žnivień udałosia realizavać tolki 4458 adzinak.

Lepš, čym ciapier, spravy ŭ aficyjnych dyleraŭ išli tolki ŭ 2019 hodzie, jaki ličycca rekordnym.

Geely musić być vielmi ŭdziačny sankcyjam

Admietna, što asabliva dobra ŭ novych realijach adčuvaje siabie biełaruska-kitajski vytvorca Geely. Kali ŭ davajennym 2021 hodzie ahułam było pradadziena 7442 aŭto marki, to ŭ 2023-m užo 15 700 aŭto. Na praciahu apošnich niekalki miesiacaŭ dylery pradajuć pa 2000 aŭto biełaruska-kitajskaj vytvorčaści. 

Ahułam za 8 miesiacaŭ 2024 hoda dylery pradali biez małoha 30 tysiač novych mašyn, što dazvoliła pieravysić pakazčyki za ŭvieś 2023 hod.

Pa vynikach pieršaha kvartała 2024 hoda, u BAA prahnazavali, što ŭ 2024 hodzie rynak dasiahnie i, mahčyma, pieravysić 35 000 realizavanych novych aŭtamabilaŭ. 

BAA dvojčy daviałosia pierahladać prahnozy

Ale praz abmiežavańni na ekspart mašyn ź Jeŭropy ŭ Biełaruś z abjomam ruchavika, bolšym za 1,9 litra, jakija z 23 sakavika ŭviała Polšča, pradstaŭniki dyleraŭ zajavili, što buduć pierahladać prahnoz u bok pavieličeńnia.

Praŭda, litaralna praz paru miesiacaŭ paśla hetaha ES u cełym i Litva ŭ pryvatnaści vymusili aficyjnych biełaruskich dyleraŭ znoŭ pierahladzieć prahnozy ŭ bok pavyšeńnia.

Nahadajem, što novy pakiet sankcyj, jaki pracuje ad 1 lipienia 2024 hoda, zabaraniŭ ekspart ź Jeŭrasajuza mašyn z abjomam ruchavika, bolšym za 1,9 litra, hibrydaŭ, elektramabilaŭ i lubych aŭto, daražejšych za 50 tysiač jeŭra.

Litoŭskaja mytnia ŭ svaju čarhu taksama ŭskładniła tranzit aŭto sa Štataŭ u Biełaruś. Kali padsankcyjnamu aŭto nie spoŭniłasia 5 hadoŭ, to litoŭskaja mytnia patrabuje pakazać daviedku ad vytvorcy. Jak pakazvaje praktyka, atrymać jaje niemahčyma.

Siarod inšych čyńnikaŭ, jakija ŭpłyvajuć na rost prodažaŭ novych aŭto ŭ Biełarusi, u BAA nazyvajuć dastupnaść aŭtakredytavańnia i lizinhu, a taksama rost dachodaŭ nasielnictva.

Kamientary8

  • Mda
    06.09.2024
    Kakbe voobŝie nieponiatno stanovitsia, komu ot sankcij stało horiačo, komu chołodno. Kitajcy tancujut, russkije tancujut, biełarusy kak vsiehda pierieprodajut, dieńhi ljutsia riekoj.
    • Fejspał
      06.09.2024
      Mda, dyk u tym i sprava, što bolšaść sankcyj režymu da adnaho miesca, a niekatoryja navat karyść prynosiać, jak voś hetyja.

      Jeŭrapiejskija levaki sami admovilisia ad rasijskaha i biełaruskaha rynku padaryŭšy jaho kitajcam.
  • Cinik
    06.09.2024
    Pokupajut za diešiovyje kriedity, vystavlajut na prodažu. V riezultatie na rukach dieńhi nał pod nizkij procient kriedita. Davno oprobovannaja schiema

Ciapier čytajuć

Intervju sa 100-hadovym doktaram Anatolem Zankovičam — pra žyćcio padčas Druhoj suśvietnaj i pracu chirurham u ZŠA

Intervju sa 100-hadovym doktaram Anatolem Zankovičam — pra žyćcio padčas Druhoj suśvietnaj i pracu chirurham u ZŠA

Usie naviny →
Usie naviny

Karotkija teksty ad štučnaha intelektu zamiest spasyłak — Google zapuściŭ novuju sistemu pošuku4

Aryštavany čynoŭnik, jaki moh stać nastupnym ministram achovy zdaroŭja11

Śpiecpradstaŭnik ZŠA prakamientavaŭ ataki ŭkrainskich dronaŭ pa rasijsikich aeradromach padčas apieracyi SBU «Pavucińnie»9

«Abražaŭ relihiju i Boha». Čačency zajavili, što błohiera ŭ Maskvie nie vykrali, a «prafiesijna zatrymali» siłaviki5

Cina Pałynskaja i jaje 22-hadovaja dačka znachodziacca pad vartaj1

Inicyjatyva Maldzis vykupiła kartu VKŁ Jana Niapreckaha3

Jak dačka novaha prezidenta Polščy Karala Naŭrockaha stała zorkaj i skrała ŭvahu ŭsioj krainy7

Jak zmahajecca za žyćcio kurjer, jaki jechaŭ na elektraviełasipiedzie na piešachodnym pierachodzie na zialonaje, ale trapiŭ pad aŭto9

Nie bajacca ni boha ni čorta. Jak tajnyja pakupniki kašmarać kramy pad Minskam11

bolš čytanych navin
bolš łajkanych navin

Intervju sa 100-hadovym doktaram Anatolem Zankovičam — pra žyćcio padčas Druhoj suśvietnaj i pracu chirurham u ZŠA

Intervju sa 100-hadovym doktaram Anatolem Zankovičam — pra žyćcio padčas Druhoj suśvietnaj i pracu chirurham u ZŠA

Hałoŭnaje
Usie naviny →

Zaŭvaha:

 

 

 

 

Zakryć Paviedamić