Naličyłasia amal dva dziasiatki čataŭ.
Artykuł «Našaj Nivy» pra aktyŭnaść prapahandysta Ihara Tura ŭ apazicyjnych telehram-čatach narabiŭ šumu ŭ internecie — prynamsi ŭ tych samych čatach. Vykarystoŭvajučy terminałohiju Tura, nam jość čym dapoŭnić temu.
Čytajcie: Ihar Tur try hady pisaŭ u apazicyjny čat, a ciapier spaliŭsia. Jakija dumki jon pravodziŭ?
Nahadajem, u prahramie Tura na ANT vypadkova pakazali skrynšot z Čata refarmataraŭ — adnoj z papularnych supołak palityzavanaj moładzi. Pryčym frazy karystalnika @Valdis133 adlustroŭvalisia na zialonym fonie — heta značyć, što skrynšoty byli zroblenyja im ža.
My pravieryli, jakija jašče dopisy pisaŭ hety Vałdys-Tur, i naličyli niekalki sotniaŭ jaho vykazvańniaŭ. Pieršapačatkova my paličyli, što ŭsie hetyja frazy byli apublikavanyja ŭ Čacie refarmataraŭ — ale nie, śpiecyjalny bot, jakomu my skarmili akaŭnt Vałdysa, aŭtamatyčna adšukaŭ jaho aktyŭnaść i ŭ inšych čatach. Takim čynam, tyja palityčnyja miesiedžy, jakija pravodziŭ Vałdys-Tur, publikavalisia nie na adnoj placoŭcy, a na roznych.
Ahułam nabrałasia amal dva dziasiatki čataŭ, u jakich aktyŭničaŭ Vałdys-Tur. Bolšaść ź ich — biełaruskija apazicyjnyja. Niekatoryja ŭžo nie pracujuć, bo pryznanyja ekstremisckimi. Aproč taho, Vałdys-Tur adznačyŭsia i ŭ rasijskaha prapahandysta Uładzimira Sałaŭjova.
Śpis čataŭ, u jakich pisaŭ Ihar Tur pad nikam @Valdis133:
- Čat Fieniks
- Čat ParłamientBieł
- Khalezin Chat
- BCH
- Pavieł Łatuška — Čat
- ŠOS Chat
- Biłoruśki IT-fachivci v Ukrajini
- Biłorusi v Ukrajini — čat
- Biełarusy v Odieśsie
- Murziłkin łajt 18 +++
- Hruppa aktivnych kibier-partizan
- SOŁOV́JEV CHAT
- ŁAMPOVYJ ČAT
- Žienŝiny Biełarusi
- Čiestnyje ludi Chat
- Razmova 97%
- Narodnaja Hramada Čat
- Ichtiandry cientr
Kamientary