Ukrainskija pamiežniki raskazali, što jany ciapier nazirajuć na biełaruskaj miažy
Pahraničniki nie fiksujuć nakapleńnia abo pieramiaščeńnia vajskovych sił i srodkaŭ Biełarusi ŭ niepasrednaj blizkaści da dziaržaŭnaj hranicy Ukrainy, ale nazirajuć heta ŭnutry krainy.
«Pa samoj linii miažy ŭsie składniki Sił abarony našaj krainy całkam kantralujuć pa ŭsioj praciahłaści ad Vałyni da Čarnihaŭščyny, i niejkich niestandartnych situacyj niepasredna pa linii miažy my nie adznačali. Akramia taho, my nie fiksujem, kab u niepasrednaj blizkaści da našaj miažy adbyvałasia pieramiaščeńnie techniki abo asabovaha składu abo istotnaje naroščvańnie padraździaleńniaŭ armii Biełarusi», — skazaŭ śpikier Dziaržaŭnaj pamiežnaj słužby Ukrainy Andrej Dziemčanka ŭ efiry nacyjanalnaha telemarafona, piša «Ukrainskaja praŭda».
Ale, pavodle jaho słoŭ, uličvajučy, što Biełaruś zastajecca ŭ arbicie ŭpłyvu Rasii, Ukraina rychtujecca da raźvićcia lubych situacyj.
«U tym liku adnosna zajaŭ, i źviestak, jakija my majem, što ŭ hłybini terytoryi Biełarusi ŭsio ž idzie niejkaje pieramiaščeńnie techniki i asabovaha składu, roznych padraździaleńniaŭ, peŭnaje naroščvańnie. Spadziajemsia, viadoma, što ŭ Biełarusi chopić rozumu nie rabić nieabdumanych krokaŭ i sprobaŭ destabilizacyi situacyi na našym kirunku. Bo našy voiny daduć adekvatny adkaz», — dadaŭ jon.
Pa słovach Dziemčanki, biełaruskija vojski znachodziacca na adlehłaści ŭ dziasiatki kiłamietraŭ ad ukrainskaj miažy (na roznych adrezkach roznaja adlehłaść).
Uviečary 25 žniŭnia Ministerstva zamiežnych spraŭ Ukrainy zajaviła ab zasiarodžvańni značnaj kolkaści asabovaha składu i techniki ŭzbrojenych sił Biełarusi kala miažy z Ukrainaj pad vyhladam vučeńniaŭ, a taksama ab prysutnaści tam byłych «vahnieraŭcaŭ», i zaklikała nie rabić trahičnych pamyłak pad ciskam Maskvy.
Manitorynhavaja hrupa «Biełaruski Hajun» adznačyła, što hrupoŭka biełaruskich vojskaŭ na hranicy z Ukrainaj składaje kala 1100 čałaviek i nie niasie pahrozy.
U DPSU kanstatavali, što situacyja la miažy ź Biełaruśsiu pa stanie na 26 žniŭnia zastajecca niaźmiennaj i kantralavanaj, pierakidka vajennych sił i techniki nie zafiksavana.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty35
Kamientary