Novy łajfchak ad biełarusaŭ, jak nie stajać sutkami ŭ čarzie na miažy ź Jeŭrasajuzam
Vielizarnyja čerhi z aŭtobusaŭ na biełaruska-polskaj miažy prymušajuć ludziej prydumlać novyja schiemy, jak nie siadzieć pa 30 i bolej hadzin u aŭtobusie.
Kali nie źviartacca da roznaha kštałtu chitrykaŭ, prachodžańnie biełaruska-polskaj miažy zajmaje ad 1 da 2 sutak.
Davoli papularny sposab nie stajać sutkami na śpiocy — pierasieści ŭ aŭtobusy, jakija stajać bližej da zajezdu za šłahbaum. Kali paščaścić, možna padsieści ŭ treci-piaty aŭtobus, a kali čerhi vielmi vialikija, to ŭ siomy-dziasiaty ad šłahbauma.
Zvyčajna kiroŭcy biaruć pa 40-50 jeŭra z čałavieka. Ale takija łajfchaki pracujuć nie zaŭždy, bo časam z rejdami na miažu naviedvajucca supracoŭniki transpartnaj inśpiekcyi. Padčas pravierak kiroŭcy nie biaruć novych pasažyraŭ, navat kali jość šmat volnych miescaŭ, i adpraŭlajuć usich achvotnych na vakzał.
Novy varyjant — ź ciahnikom
Minčuki, jakija dniami jechali ź biełaruskaj stalicy ŭ Varšavu, dziejničali nastupnym čynam.
Ludzi pryjazdžali na minski vakzał pierad adpraŭleńniem aŭtobusa, adznačalisia ŭ kiroŭcy, ale ŭ aŭtobus nie siadali. Viartalisia dadomu, nastupnym dniom vyjazdžali na ciahniku ź Minska ŭ Brest, i ŭ Breście padsadžvalisia ŭ aŭtobus.
Pasažyry, jakija jechali adrazu ź Minska, praviali 30 hadzin u čarzie pierad tym, jak dajechać da mytnaha kantrolu na biełaruskim baku. Prachodžańnie miažy ahułam zaniało 34 hadziny.
Ale, jak kažuć vidavočcy, kala pałovy pasažyraŭ nie siadzieli ŭvieś čas u aŭtobusie, a pryjechali ciahnikom ź Minska značna paźniej, dziakujučy čamu praviali papiarednija sutki doma, a nie ŭ darozie.
Chutki varyjant vyjechać u ES. Kolki biaruć za pieravozku praź miažu na aŭto i matacykłach
Łajfchak nie spracavaŭ. Biełarusy dumali trapić u Litvu pravieranym i chitrym sposabam, a ich nie puścili
«Ich departujuć, vizy anulujuć». Kala 40 biełaruskich turystaŭ, što jechali ŭ Ispaniju, zatrymali ŭ Hiermanii
U harach Kyrhyzstana z drona adšukali cieły źnikłych biełaruskich alpinistaŭ8
Kamientary