Krajni cynizm prapahandy: «Biehłyja nie napisali nivodnaha lista palitźniavolenaj». A jak nasamreč
Łukašenkaŭskija prapahandysckija ŚMI i supołki znajšli novuju nahodu dla ździekaŭ. Jany sprabujuć davieści, što palitviaźniam nichto nie piša, dyj uvohule ŭsie pra ich zabylisia. U jakaści paćviardžeńnia pryvodziacca słovy vyzvalenaj palitźniavolenaj, jakaja kaža što atrymlivała listy «ad mamy, ad siastry, ad blizkich svajakoŭ».
Cynizm situacyi ŭ tym, što pačynajučy ź lutaha 2022 hoda — času praviadzieńnia refierendumu i pačatku poŭnamaštabnaj vajny va Ukrainie — palitviaźniam addajuć listy, adpraŭlenyja tolki blizkimi svajakami. Atrymać karespandencyju ad baćkoŭ, žonki/muža, dziaciej, bratoŭ i siaścior možna. A voś ad luboha siabra — nielha.
Pa zakonie ŭ vypadku, kali cenzar vyrašyŭ, što list addavać nielha, kanviert pavinny adpravić nazad. Adnak u biełaruskich kałonijach adbyvajecca inačaj — takija listy prosta źniščajucca, a palitviaźniu navat nie paviedamlajuć, što jamu napisaŭ niechta ź siabroŭ.
Dla Siarhieja Cichanoŭskaha, Viktara Babaryki, Maryi Kaleśnikavaj i jašče prykładna 10-20 čałaviek stvaryli jašče horšyja ŭmovy — im nie addajuć navat listy, adpraŭlenyja blizkimi svajakami.
Tamu prapahanda ŭ čarhovy raz chłusić. Palitviaźniam nie «nie pisali listy». Palitviaźniam nie addavali listy.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie2
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5050
Kamientary
I navat u hetym vypadku mohuć listy nie dachodzić čas ad času. Nia tolki Babaryku dy Kaleśnikavaj.
Łukašysty u svaich moŭnych pasažach karystajucca tym, što aficyjalna zabarony niama. Ale ŭ realnaści vypadkaŭ, kab u kaloniju pryjšoŭ palitviaźniu list nie ad svajaka, ja nia viedaju.