Minskaje «Dynama» prajhrała navat Hibrałtaru — zatoje ŭpieršyniu za doŭhi čas zhulaje ŭ asnoŭnym etapie jeŭrakubkaŭ
Biełaruski kłub nie bieź ciažkaściaŭ prajšoŭ hibrałtarski «Linkaln Red Imps» i, jak minimum, uvosień zhulaje ŭ asnoŭnym raŭndzie Lihi kanfierencyj.
«Dynama», jakoje pačynała jeŭrakubkavaje leta z kvalifikacyi Lihi čempijonaŭ, vylecieła ź jaje ŭ druhim raŭndzie. Adnak supiernik u trecim raŭndzie kvalifikacyi Lihi Jeŭropy trapiŭsia samy lohki — hibrałtarski «Linkaln».
Tydzień tamu «Dynama» ŭ Vienhryi na niejtralnym poli pieramahło 2:0. Siońnia ŭ Hibrałtary «Linkaln» vyjhraŭ — 2:1.
Ale minski kłub pa sumie dvuch pajadynkaŭ vyjšaŭ u płej-of kvalifikacyi Lihi Jeŭropy, dzie zhulaje ź bielhijskim «Anderlechtam». Matčy projduć 22 i 29 žniŭnia.
Navat kali minčuki prajhrajuć, to jany vystupiać u asnoŭnym raŭndzie Lihi kanfierencyj — trecim pa mocy jeŭrakubku. Kali ž pieramohuć, to buduć uvosień hulać u Lizie Jeŭropy.
«Dynama» dvojčy hulała ŭ hrupavym turniry Lihi Jeŭropy, u siezonie 2014-2015 i 2015-2016 (tady Lihi kanfierencyj nie było).
A biełaruski kłub apošni raz hulaŭ u hrupavym turniry ŭ siezonie 2018-2019 (BATE ŭ Lizie Jeŭropy).
Z taho času biełaruskija družyny ŭ jeŭravosień nie prabivalisia.
Losavańnie asnoŭnaha raŭndu Lihi Jeŭropy i Lihi kanfierencyj projdzie 30 žniŭnia.
Hetym letam u kvalifikacyi Lihi kanfierencyj hulali «Tarpieda-BiełAZ», «Isłač» i «Nioman», ale vylecieli ŭ pieršych dla siabie raŭndach. Zbolšaha haniebna.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary