Mienavita na hety fakultet niekalki hadoŭ tamu pastupiŭ Kola Łukašenka.
Dekan bijałahičnaha fakulteta BDU Vadzim Dziamidčyk, mierkavana, byŭ zvolnieny niekalki miesiacaŭ tamu. Niadaŭna jaho imia prybrali sa staronki na sajcie bijafaka, dzie pieraličanyja supracoŭniki dekanata.
Nieviadoma, čamu Dziamidčyka pazbavili pracy. Ale na bijafaku nazyvajuć takuju mahčymuju pryčynu: ciapier užo eks-dekan niedastatkova aktyŭna zvalniaŭ supracoŭnikaŭ fakulteta z palityčnych pryčyn.
I heta pry tym, što za apošnija niekalki hadoŭ bijafak zhubiŭ šmat kaštoŭnych śpiecyjalistaŭ. Naprykład, mocna paciarpieła kafiedra bataniki, adkul ź ideałahičnych pryčyn zvolnili niekalki daśviedčanych vykładčykaŭ.
Vadzim Dziamidčyk uznačaliŭ bijałahičny fakultet BDU ŭ sakaviku 2019-ha. Bahata studentaŭ i vypusknikoŭ bijafaka prymali ŭdzieł u pratestach, niekatoryja ź ich stali palitviaźniami — naprykład, Jahor Kaniecki, adzin ź fihurantaŭ «spravy studentaŭ» i aktyvist «Volnaha prafsajuza».
Kali vy majecie bolš infarmacyi pra heta, pišycie redaktaru «Našaj Nivy» ŭ TH, na [email protected] ci [email protected].
Albo pišycie asabista tym žurnalistam ci redaktaram «Našaj Nivy», kaho vy znajecie i kamu daviarajecie (lepš — u sihnał ci telehram).
«Naša Niva» — bastyjon biełaruščyny
PADTRYMAĆCiapier čytajuć
«Ja hatovaja stać ministram ekanomiki Biełarusi». Novy tvar u Kabiniecie Alisa Ryžyčenka — pra karupcyju na karyść Łukašenak, Zareckuju i reformy18
Kamientary