Vajenkar «Rybar» u telehram-kanale apisaŭ situacyju ŭ Kurskaj vobłaści Rasii pa stanie na 14:00 čaćviarha.
«Ukrainskija farmiravańni za noč z 7 na 8 žniŭnia padciahnuli reziervy i prystupili da inžyniernaha abstalavańnia pazicyj, adnačasova ŭzmacniajučy nacisk i sprabujučy nastupać u Koranieŭskim i Sudžanskim rajonach. Zachoŭvajecca pahroza nastupu USU ŭ Hłuškaŭskim rajonie na kirunku Ciotkina», — piša «Rybar».
Pa jaho słovach, z ukrainskaha boku nastupajuć 82-ja i 80-ja asobnyja desantna-šturmavyja bryhady pry padtrymcy 22-j i 61-j asobnych miechanizavanych bryhad USU. Akramia taho, u mierapryjemstvach abmiežavana ŭdzielničajuć 150-ja bryhada, 5 -ja i 24-ja bryhady.
«U Sudžanskim rajonie zachoŭvajecca ciažkaja abstanoŭka. Miarkujučy pa ŭsim, u administracyjnym centry zastajucca asobnyja ačahi supracivu (pryčym, chutčej za ŭsio havorka moža iści pieravažna pra miascovych apałčencaŭ), ale sam horad praktyčna pad poŭnym kantrolem USU.
Rasijskija siły kantralujuć kalcavuju raźviazku na ŭschod ad horada. U siecivie ŭžo źjavilisia kadry pierakidańnia techniki ŭkrainskich farmavańniaŭ u Sudžu», — piša «Rybar».
Pa jaho słovach, u Mirny ŭkrainskija farmiravańni taksama zdoleli ŭvajści i zamacavacca.
Aproč taho, pra słovach vajenkara, ukrainskija dyviersijna-raźviedvalnyja hrupy, jakija dziejničajuć praz pali z boku Kazačaj Łokni, jakaja, miarkujučy pa ŭsim, pad poŭnym kantrolem ukraincaŭ, jak i vioski Bahdanaŭka, Kniažy, 1-y Kniažy i 2-i Kniažy, sprabujuć akružyć pieradavyja hrupy US RF, atakujučy praz pali ŭ napramku Martynaŭki.
«U paŭnočnaj častcy USU, jak zajaŭlajuć «Dva majory», dajšli da Anastaśjeŭki. Kali hetaja infarmacyja paćvierdzicca, to heta moža być nastupstva bieśpieraškodnaha praryvu pa darozie Lhoŭ — Sudža. Los raźmieščanych na zachad ad darohi sioł nieviadomy, učastak pakryty «tumanam vajny».
Da Koranieva pa asobnaj infarmacyi znoŭ dajšli mabilnyja braniahrupy USU. Niahledziačy na paviedamleńni ab poŭnaj stracie nasielenaha punkta, rasijskija vojski adbili napad i adkinuli USU na miažu Novaivanaŭki», — kanstatuje «Rybar».
«Bai zaviazalisia ŭ nasielenym punkcie Snahaść: uličvajučy jaho hieahrafičnaje stanovišča, całkam mahčyma pašyreńnie zony kantrolu bajoŭ na poŭdzień z adnačasovym udaram USU pa Uśpienaŭcy i Hardziejeŭcy», — zaklučaje vajenkar.
Ranica 8 žniŭnia: Ukraina kantraluje Sudžu, Koranieva ŭziać nie ŭdałosia, USU ruchajucca ŭ kirunku Lhova
«Ahresar zaŭsiody pažynaje adpaviednyja płady». Michaił Padalak — pra «niedatykalnaść rasijskaj terytoryi»
Źjaviłasia VIDEA taho, jak rasijskija pamiežniki zdalisia ŭ pałon
U Kurskuju vobłaść z Mali pierakidvajuć bajevikoŭ PVK «Vahnier»
Ciapier čytajuć
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary