HUR Ukrainy pryznała dačynieńnie da likvidacyi kałony vahnieraŭcaŭ u Mali
U efiry telemarafona pradstaŭnik HUR Andrej Jusaŭ zajaviŭ, što Hałoŭnaje ŭpraŭleńnie raźviedki pakul nie moža vydavać detali padziej, ale zapeŭniŭ, što «praciah budzie». Faktyčna HUR Ukrainy pryznała ŭdzieł u apieracyi pa likvidacyi vahnieraŭcaŭ u Mali, piša liga.net.
Pavodle słoŭ Jusava, paŭstancy «atrymali nieabchodnuju infarmacyju i nie tolki infarmacyju», što dało mahčymaść im pravieści «paśpiachovuju vajennuju apieracyju suprać rasijskich vajennych złačyncaŭ».
Jon adznačyŭ, što vahnieraŭcy razharnuli aktyŭnuju dziejnaść na afrykanskim napramku i nie tolki.
«Najmitami sprabavali vyrašać hieapalityčnyja, ekanamičnyja pytańni, mianiać abo padtrymlivać tyja ci inšyja ŭrady. I voś siońnia ŭvieś śviet bačyć, što ŭłasna heta ŭžo nie toj patencyjał i mahčymaści Rasii, daloka nie tyja», — dadaŭ jon.
Andrej Jusaŭ anansavaŭ praciah dziejańniaŭ suprać rasijskich vajskoŭcaŭ z PVK «Vahnier» u Afrycy.
29 lipienia PVK paćvierdziła śmierć svaich najmitaŭ u Mali.
«Adpraviŭ mnie škury krakadziła». Maci zahinułaha ŭ Mali vahnieraŭskaha błohiera Grey Zone raskazała pra syna
U Mali ŭ zasadzie tuarehaŭ zahinuli bolš za 80 bajcoŭ PVK «Vahnier»
Chto takija tuarehi, jakija razhramili kałonu vahnieraŭcaŭ? I za što jany vajujuć?
Kałona vahnieraŭcaŭ trapiła ŭ zasadu tuarehaŭ u Mali
Ciapier čytajuć
Čempijon Biełarusi i Polščy trapiŭ za kraty praz toje, što źbieh ad słužby ŭ biełaruskim vojsku. A ciapier uvohule źnik2
Kamientary