Ruki dryžać, ślozy ljucca: novy trend biełaruskaha tyktoku — raspakoŭka vizy

Naprykład, błohierka Kaciaryna z Hrodna raskazała, što jaje siamja kala dvuch miesiacaŭ čakała, kali viernuć pašparty. Asablivaj intryhi nie atrymałasia: pašparty ŭ kanviertach byli adkryty na staronkach ź vizami. Praŭda, i dadatkovych pryjemnych siurpryzaŭ nie akazałasia: usim dali adnarazovy šenhien tolki na daty adpačynku.

@katbergamot Raspakovka hriečieskoj vizy #šienhien #hriečieskajaviza @VIZOVOJE AHIENTSTVO VIZZY ♬ invisible string harp cover - hannah_harpist

A voś błohiercy Janie pašancavała značna mienš. Na videa bačna, jak mocna chvalujecca dziaŭčyna pierad tym, jak parvać kanviert z pašpartam unutry. Błohierka navat škaduje, što znachodzicca doma adna ŭ taki niervovy momant. Ledź strymlivajučy ślozy ad emocyj, Jana ŭsio ž adkryvaje kanviert. Adrazu jaje pužaje toje, što pašpart dasłali zakrytym.

— Niama vizy… Što? Napisana, što byccam u mianie niama pryčyny dla pajezdki. Jak tak?

Dziaŭčyna ŭsio ž pačynaje płakać.

 — Dobra choć, što nijakaj piačatki ab admovie nie pastavili. Ja nie viedaju, jak heta pracuje? Čamu Vaniu dali, a mnie — nie? U čym roźnica? U nas byli absalutna adnolkavyja dakumienty.

Videa Jany nabrała 1,2 miljona prahladaŭ i kala 74 tysiač łajkaŭ.

Dziaŭčyna ŭdakładniła, što jaje partnioru dali hreckuju vizu na miesiac pad daty pajezdki. Ale praz toje, što Jana vizu nie atrymała, para vyrašyła adpačyć u jakoj-niebudź biaźvizavaj dla biełarusaŭ krainie.

@janescvo1 Kak žal, čto połučienije vizy nie zavisit ot toho kak chorošo vy podhotovitie dokumienty. Potomu čto naši dokumienty s Vaniej byli podhotovleny supier krutymi śpiecialistami @VIZOVOJE AHIENTSTVO VIZZY ♬ orihinalnyj zvuk - JScvo

Chryścina z Bresta taksama nie pabačyła ŭ pašparcie doŭhačakanaj vizy, ale znajšła ŭ kanviercie list z tłumačeńniami admovy: ambasada Hrecyi paličyła, što ŭ jaje mała dokazaŭ mety vandroŭki. Błohierka paskardziłasia, što sproba atrymać vizu abyšłasia joj amal u 1500 rubloŭ. Adnak nadziei nie apraŭdalisia, i pra adpačynak na ciopłym mory ŭ Hrecyi možna zabycca.

@veterinar_kristina otkaz . Počti 1500 b. r. -ja rasstrojena! #otkaźvizy #konviert #biełaruś ♬ Royalty - Egzod & Maestro Chives & Neoni

Ale kali vy raptam vyrašycie zdymać hety trend, to treba ŭsio ž pamiatać, pra što lepš nie kazać padpisčykam. Naprykład, u krasaviku ŭ tyktoku zavirusiłasia videa, u jakim biełaruski chłopiec atrymaŭ pašpart z admovaj u polskaj pracoŭnaj vizie. Jon pačaŭ aburacca pracaj turystyčnaj firmy, jakoj płaciŭ za dapamohu ŭ afarmleńni nieabchodnych dakumientaŭ, — i ščyra pryznaŭsia, što zaprašeńnie na pracu było falšyvym i pracavać u Polšču jon nie źbiraŭsia.

Toj kiejs kamientavała «Našaj Nivie» manitorynhavaja hrupa visastat.me.

— Małady čałaviek dapuściŭ vialikuju pamyłku, kali vyrašyŭ zrabić svaju historyju publičnaj, — rastłumačyli ŭ manitorynhavaj hrupie. — Faktyčna jon pryznaŭsia ŭ tym, što kupiŭ zaprašeńnie na pracu. Jakija paśla hetaha ŭ jaho mohuć być pytańni, nie vielmi zrazumieła.

• 1
• 4
• 3
• 0
• 4
• 1
• 0
• 0