Eks-prezident ZŠA zajaviŭ, što Charys karystajecca jaho poŭnaj padtrymkaj i budzie «fantastyčnym prezidentam».
Eks-prezident ZŠA (2009-2017) apublikavaŭ videa telefonnaj razmovy ź vice-prezidentam. Barak i Mišel Abama źviarnulisia da Kamały Charys.
«My skazali joj, što dumajem, što ź jaje vyjdzie fantastyčny prezident ZŠA i što jana karystajecca našaj poŭnaj padtrymkaj. U hety krytyčny dla našaj krainy momant my źbirajemsia zrabić usio mahčymaje, kab jana pieramahła ŭ listapadzie», — napisaŭ Abama. «Dziakuj, heta tak šmat značyć dla mianie», — adkazała Charys u videa.
Adrazu paśla admovy Džo Bajdena ad udziełu ŭ vybarach, Barak Abama nie staŭ padtrymlivać nikoha ź inšych kandydataŭ.
Jon skazaŭ, što «Džo nikoli nie admaŭlaŭsia ad boju», dadaŭšy, što rašeńnie Bajdena było dla prezidenta ZŠA adnym «z samych składanych zadač u jaho žyćci». 25 lipienia stała viadoma, što Abama vyrašyŭ padtrymać Charys, pisaŭ NBC sa spasyłkaj na krynicy.
Abama nie vykazvaŭ padtrymku Charys publična, kab nie vydać udzieł u pracesie i kab dać čas dziejnamu prezidentu Džo Bajdenu abdumać rašeńnie ab vychadzie z prezidenckaj honki.
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary