U Turcyi zatrymali rasijanina, padazravanaha ŭ padryvie aŭtamabila aficera HRU ŭ Maskvie
Pra zatrymańnie padazravanaha ŭ padryvie aŭtamabila ŭ Maskvie paviedamiŭ kiraŭnik tureckaha MUS Ali Jerlikaja.
Zatrymanaha zavuć Jaŭhien Sierabrakoŭ, jon prybyŭ u Turcyju jak turyst samalotam Maskva-Bodrum.
Jerlikaja pakazaŭ kadry zatrymańnia i dadaŭ, što pradstaŭniki rasijskaha padraździaleńnia Interpała ŭ 10.30 ranicy pieradali svaim tureckim kaleham infarmacyju, što hramadzianin Rasii Jaŭhien Sierabrakoŭ učyniŭ u Maskvie terakt, paśla čaho vylecieŭ z Maskvy ŭ Bodrum. Padazravany byŭ zatrymany palicyjaj pravincyi Muhła ŭ Bodrumie.
Jaŭhienu Sierabrakovu zakidajecca niezakonny abarot vybuchovych pryład i zamach na zabojstva dźviuch abo bolš asob.
Pierad hetym hienieralny prakuror Rasii Ihar Krasnoŭ na sustrečy ŭ Biškieku z hienprakuroram pry Viarchoŭnym apielacyjnym sudzie Turcyi Muchsinam Šenciurkam adznačyŭ, što Turcyja pačała aktyŭna vydavać asob, jakija vyšukvajucca rasijskimi orhanami.
U vyniku padryvu aŭtamabila Toyota Land Cruiser paciarpieŭ vajskoviec Uzbrojenych sił RF Andrej Tarhašoŭ. Jak vyśvietliłasia, jon ciozka namieśnika načalnika vajskovaj čaści Rakietnych vojskaŭ śpiecyjalnaha pryznačeńnia ŭ Padmaskoŭi. Sam paciarpieły da hetaj čaści dačynieńnia nie maje, ale taksama słužyć va Uzbrojenych siłach. «Kommiersant» sa spasyłkaj na svaje krynicy piša, što jon nibyta słužyć u HRU, dzie adkazvaje za srodki suviazi.
Viadoma, što ŭ vyniku vybuchu Tarhašovu adarvała stupni, jahonaja žonka, što taksama znachodziłasia ŭ toj samaj mašynie, atrymała irvanyja rany tvaru. Abodvuch špitalizavali ŭ Botkinskuju balnicu.
Kamientary