Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul
Amierykanski spartyŭny časopis Sports Illustrated pradkazaŭ pieramožcaŭ i pryzioraŭ va ŭsich spabornictvach na Alimpijskich hulniach u Paryžy, dzie buduć razyhranyja 329 kamplektaŭ miedaloŭ u 32 vidach sportu, piša Championat.com.
Sports Illustrated pradkazaŭ dva miedali biełaruskim spartoŭcam, jakija vystupiać u niejtralnym statusie.
Na ich dumku, skakun na batucie Ivan Litvinovič zavajuje siarebrany miedal (u Tokia-2021 u Litvinoviča było zołata), a tchekvandyst Hieorhij Hurcyjeŭ stanie alimpijskim čempijonam.
15 rasijskich spartsmienaŭ vystupiać u jakaści niejtralnych atletaŭ u piaci vidach sportu. Amierykanskaje vydańnie nie ŭklučyła nivodnaha rasijskaha spartoŭca na mierkavany alimpijski podyum.
U Tokia-2021 u Rasii byŭ 71 miedal: 20 załatych, 28 siarebranych i 23 bronzavych, u Rya-de-Žaniejra ŭ 2016 hodzie — 55 (19+17+19).
Na Alimpijadzie ŭ Paryžy vystupić minimalnaja za ŭvieś čas kolkaść biełarusaŭ — 17 čałaviek.
U Tokia-2021 było 108 biełaruskich atletaŭ, jakija zavajavali siem uznaharod: adna załataja, try siarebranyja i try bronzavyja, najmienšaja kolkaść za ŭvieś čas.
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu12
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami4848
Kamientary